سيبحث أبي عن السند عندما يكبر ولن يجده

السلام عليكم انا عندي 19 سنه وانا عندي اب انا بدعي ربنا ميرزقش الاب دا لاي حد متستغربوش انا هقلوقوا ليه انا وعندي كمان اخيين واحده اكبر مني وواحد اصغر مني انا ابويا انفصل عن امي من سنين كتير بعد ما ظلمها وخد منها كل عفشها وبيعها دهبها وخد فلوسها هي مكنتش حباه لانه من اكتر العيوب الي كانت فيه كمان انو بخيل جدا عليها وحتي علينا احنا عيالو وكان بيهنها ويعذبها حتي اخواتو كمان كانو كدا وماما مكنش ليها حد يدافع عنها لانها يتيمه ملهاش حد وكانت مجوزه في بلد بعيد عن بلدها فلما مرضاش يطلقها خلعتو بس بعد مخد منها كل حاجه وهي سابتلو كل شئ حتي بعد الي عمله فيها المهم انفصلو واحنا قررنا ان احنا نعيش مع ماما هو اصلا مش عايزنا في بلد اهلها طبعا وماما تعبت بينا اوي اققدر اققولكم ان الست دي بجد جبل استحملت حجات كتير اوي حتي بابا واخواته جم عندنا مدارسنا وحاولو انهم يقعدونا من المدرسه بس ماما اتعذبت لحد ما عرفت تنقل ورقنا بتاع المدارس علشان تجيبو بلدها فضلت تسافر وتروح وتيجي علشان مضيعش حد فينا من مدرستو وجبتهم بعد عذاب وهو من حته تاني كان بيسعي يقعدنا من المدارس عشنا بعدها احنا وماما في اوضه فوق السطح ماما ورغم مرضها في الفتره دي كانت بتشتغل علشان نسكن في مكان او شقه حلوه شويه وفضلنا نتنقل من بيت لبيت إجار وهي تتمني تعمل اي حاجه علشان ترضينا ومرت السنين وهو رمينا مبيسألش عننا خالص ولا يعرف عننا حاجه واحنا ولا نهمو اصلا لان هو نقطه ضعفه الفلوس وبس اهم حاجه عندو حتي اهم من عيالو مش عارف انو هيموت وفلوسو دي مش هتنفعو في قبره ومعدناش بنفكر فيه بس لما حد فينا يجيب سيره بابا اصلا ماما تقوله اوعي تقول حاجه علي ابوك عيب غلط عمرها ما خلتنا نجيبو بسيرا وحشه لانها انسانه عارفه ربنا المهم احنا لما كبرنا ولما قربنا من ربنا وعرفنا ان المفروض نصل رحمنا بيه وننفز كلام ربنا بصله الارحام حتي لو كان ظلمنا ورمينا وعايش حياتو ومش سائل في عيالو التلاته عندو بنتين وولد اي حد يتمني ضفر عيل واحد بس هو مش مقدر اهم حاجه الفلوس في حياتو عندو ولد اخويا الصغير دا يعتبر يتيم سابو وهو صغير جدا وميعرفوش لو شافو بس لما حاولنا نصل رحمنا بيه وكلمناه في التليفون وقلنالو عايزين نشوفك تخيلو قال اه قال انا هتجوز واختو كلمتنا وقالتلنا هو هيجوز سيبوه في حالو وكنا بعد العيد تقريبا تخيلو عيالو بيكلمو بعد كام سنه تكون دي اجابتو واجوز فعلا وبعد 8 سنين سايبنا وكأنو مش عايش واحنا ناسينه وكأنو ميت في الاجازه طلبنا من ماما اننا نروحلو علشان المصاريف كترت علي امي واحنا كبرنا اختي الكبيره في جامعه ومصايف اد كدا وانا خلصت ثانوي وعايزه ادخل جامعه وانتو عارفين الجامعه مصاريف ولبس وبلاوي واخويا ودروسه ومصاريفه وعلاجنا بردو وماما صرفت علينا بما فيه الكفايه وتعبت وقلنا كفايه عليكي بقي احنا نروحلو ونشوفه ونقوله انتي عندك عيال المفروض تسئل عليهم بس هو بيسرف علي نفسو بس هو ومراتو اهم حاجه والي انا مستغرباه ان الي اجوزها جابلها دهب ومعيشها في عماره وجايبلها احلي عفش وكمان عفش امي في شقته ومكنش بيعمل كدا مع امي وكانت مستحملاه ومستحمله بخله عليها وعلينا سنين ولما رحناله انا واختي بس تفتكرو سأل عن ابنو والله مسأل عنو حتي واختي قعدت تكلمه عن انتي ليه كدا يعني قالها انا كدا ومش هطولو مني مليم علشان كان متعصب والله العظيم الي بقولو صحيح وهو اكتر من كدا اسوه بس انا لو حكتلكو عنو هتستغربو ان دا اب اصلا وقعدنا نقولو يا بابا عن ظروفنا وكدا ورجعنا تاني ولا عرفنا ناخد منو حق ولا باطل انا اتقهرت ان احنا روحنالو ويا ريتنا مكنا روحنالو انا بتعذب لان ابويا كدا ووكلنا امرنا لربنا فيه وبقيت بصلي وبدعيله ربنا يهديه بس هو ولا هنا ميهموش بنتو ماتت ولا ابنو خابطو عربيه في داهيه اهم حاجه عندو الفلوس وبس انا تعبت والله ومش عايزين منو حاجه ولا مستنين منو حاجه مع العلم انو غني عندو شقتين تمليك ولسه ناوي يشتري واحده كمان الي سمعناه عنو يعني وهيطلع علي المعاش كمان كام شهر ومعاشه هيوصل تقريا للمليون جنيه ومع ذلك مبيسألش في عيالو حارمهم من حبه حنانه وفلوسه ومعني كلمه ان يبقي عندك سند لوحدها واب تتسند عليه بس للاسف بس احنا عندنا الي احن واحسن منو علينا ومش عايزين حاجه منو ورجعنا تاني نسناه واحنا هنشتغل ونساعد ماما وربنا موجود وماما وكلت امرها لربنا وانا دايما بصبر نفسي بأن في اوحش مني في الدنيا وان في ناس مامتهم وباباهم كمان ميتين واحنا عندنا امنا ربنا يخليهالنا بالدنيا كلها واسفه للتطويل عليكم بس انا كنت عايزه رأيكم في اب زي دا والسلام عليكم