انفصلت عن زوجي و أثر علي سلبي !

انا عمري ٢٨سنه انفصلت جديد عن زوجي بسبب الضرب والكذب والخيانه وأسباب كتيرة ، انا معي بكالوريوس والي زمان عم بدور ع شغل مش لاقية ، مشكلتي اني بحس حالي دايما وحيدة وزعلانه وعايشة ع الفاضي ، موجوعة من قصة طلاقي مع اني انا اللي اخدت قرار الانفصال صح انا مش ندمانة بس محروق قلبي ع طفل الي ، اهلي مناح معي وبيحبوني بس انا مش مبسوطة نفسي استقر ويكون عندي بيت حلو وأولاد وبنات حلوين ، الناس بس يشوفوني ويفتحوا موضوعي بيوجعني انه كل هالجمال وصار فيها هيك ، لا اعتراض على حكم الله بس والله الطلاق بيوجع والحمدلله على كل حال ، كيف ممكن ارجع متل زمان أحب الحياة ويصير عندي أمل فيها وأكون مبسوطة من جوة ، كل يوم اول ما اصحى اول شي بيخطر ع بالي انه نيال الناس المبسوطة