متزوجة بالغربة واختي معي بنفس البلد

مرحبا،انا ست متزوجه بالغربه و اختي معي بنفس البلد بس بمدينه تانيه،للاسف علاقتي باختي مش ممتازه،ما بزورها و هي على الخفيف بتزورني، و السبب انه انا بتجنبها،هي لسانها جدا سليط و دايما بتتمسخر على زوجي و اولادي، و اولادها بغلطو بحق اولادي، بس انا ما كنت ازعل لانها اختي،احبس الزعله جواتي، لما يسافر زوجي تعزم حالها تنام عندي يومين و انا طبعا بكرمها و ولادها لانها اختي و براضي ولادي اذا زعلوهم اولادها،بضلو ضيوف عندي،بس هي بتضل تتمسخر على انه زوجي بخيل لانه ما بشتريلي دهب، و لما تيجي عندي بتكون لبسه نص دهبها تعرضو ،الله يباركلها طبعا،بس انا ما بحب الدهب و ما بفرق معي الدهب، و الحمد لله زوجي مش بخيل،بالعكس بحبني جدا جدا و كريم،بس احنا بدنا نوفر للمستقبل. و كمان ما بخلص من لسانها، قبل فتره اتصلت فيني شرشحتني لانه انا ما بزورها، بس والله زيارتها بتعملي نكد ، فانا اتصلت على اهلي و فهمتهم كل اشي عشان ابرر موقفي، و امي و ابوي و اخواني شايفين انه الخطأ على اختي، و انا مقهوره من القطيعه و النكد اللي بيناتنا، و كمان متأكده انها ما راح تتغير ،مع العلم انه عمري ما حكيت بالعاطل عنها او عن زوجها و لا عمري اتمسخرت على زوجها او اولادها. طبعا زوجها كمان ما بنخلص من لسانه ، هو كمان بتمسخر و انا الحمد لله زوجي مكبر عقله ، ما بحب انحط بموقف اعلق بين اختي و زوجي، و اكيد بختار زوجي و ولادي، لانهم استقراري و عيلتي... شكرا