أمي قاطعتني ولا تريد التواصل معي
![أمي قاطعتني ولا تريد التواصل معي](https://static.hellooha.com/revamp/assets/imgs/logo-desktop.png)
السلام عليكم ياناس انا اعاني من امي قاطعتني ولا تريد التواصل معي والله العظيم اعاني احسني بـ اموت انا ولد عمري ١٨ سنة والحمدلله ذي اول سنة لي في الجامعة وانا اللي قايم ب أمور اخواني وأهلي لأن ابي متوفي من فترة وانتو عارفين احنا الحين في اجازة نص السنة المهم الترم اللي فات ماصدقت اني أكمله بسبب امي عندنا في البيت سيارتين سيارة قديمة وسيارة جديدة السيارة القديمة خربانة وواقفة من فترة والسيارة الجديدة يستخدمها اخوي المهم انا اول بداية السنة الوالدة قالت لي تبغا تداوم دور لك بنات يداومون معك عشان يدفعون ولا دبر لك سيارة داوم فيها قلت لها طيب والله وشلت معي بنات من القرية المهم اني انا جامعتي برا المتطقة وهم عددهم ثلاث بنات كل بنت في جامعة وداخل المدينة نفسها وفرق مسافة بين جامعاتهم المهم داومت بهم شهر كان اشوف اني مضغوط نفسيا تخيلو انا يوميا اخلص الساعة ١١ الظهر وهم يخلصون الساعة ٣ العصر يعني ٤ ساعات اقعد انتظرهم كلمت الوالدة قلت لها انا مقهووور ومضغووط نفسيا لو جاني مرض الله يسامحك قالت لي تبغا تداوم جامعتك داوم بهم ولا دبر نفسك قد كلمتك من اول قلت لها بسيط المهم داومت بهم حتى الاختبارات اشوف جداولهم حق الاختبارات مايبدون سوا كل بنت لها يوم يعني انا مخلص من الأسبوع اللي فات والناس معطلين وانا من الأسبوع اللي فات اداوم بهم الئ الأسبوع قبل بداية الدراسة وهم يخلصون دوام ويأجزون وانا ابدا اداوم بالله مو قهر؟ يعني كأني ماستفدت من الاجازة عشان كذا جتني الوالدة وقالت لي الترم الثاني سيارة مافي دبر نفسك انا والله حزت في خاطري وكان ببكي ولكن مسكت نفسي قلت مالي الا الله ثم السيارة القديمة اصلحها واتوكل على الله وأداوم عليها المهم قررت افتح لي ورشة صغيرة عند البيت عشان اشتغل فيها جيت انا طالب وماعندي مصدر دخل وامي الحمدلله ربي معطيها جيت كلمتها قلت اها امي ابغا ٣٠ ريال ابغا اشتري اثنين اسمنت للورشة قالت لي والله ماعطيك ريال قلت لها طيب وطلعت من عندها قلبي مكسور مامداني اوصل برا البيت وانفجرت ابكي اليوم الثاني اشوفها اشترت لأخوي الصغير دباب جديد سعره حول ٧٠٠٠ ريال جيت عندها مرة ثانية وقلت لها امي ابغا ١٠٠ ريال وقعدت اتوسل لها قالت لي ماعندي انت ماتفهم قلت طيب المهم انا خاطري ضاق ومن ليلتها وانا اخر الليل اقعد ابكي ووضعي النفسي زفت وقاعد اقول ليش انا امي كذا قاسية واعاتب نفسي بعدها وبعدها بليلتين صرت ضروري كل 5 دقايق اتنهد واحيان التنهيدة ماتطلع كاملة وصرت افكر في جامعتي ومستقبلي وكل ماتذكر جامعتي ابكي واحس انه مافي سبيل عشان اقدر اداوم الترم الثاني المهم عندي خويي من جنسية عربية وطبعا أكبر مني عمرا شافني مهموم قلي وش فيك عطيته القصة كاملة قلي والله ماسمح لنفسي اني اشوفك تترك جامعتك وانا باقي هنا المهم عرض علي انه يعطيني فلوس عشان أصلح الموتر القديم ووقت اتوظف ارجع له المبلغ قلت له افكر واعطيك علم فكرت في الموضوع وتوكلت على الله ولكن يوم عرفت امي ب السالفة هي علمت بموضوع ب الفلوس ولكن ماعرفت من وين جبتها قالت لي خذ السيارة الجديدة وروح سو لها صيانة قلت لها امي انتي احرمتيني منها والترم الجاي انا عارف انك ماراح تخليني اداوم الجامعة عليها والفلوس اللي عندي الحين انا ابغا أصلح فيها السيارة القديمة عشان اداوم عليها المهم من وقتها قاطعتني وصارت لاتكلمني وإذا تبغا أغراض تطلب من اخواني وانا ماتعطيني اهتمام ولكن كنت اقول في نفسي وانا ابكي انا ماغلطت عليها وانا ماني غلطان وماسويت شيء غلط
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- الدكتورة سناء مصطفى عبده اهلا بك يا ولدي واعلم انك تنظر للموضوع من زاويتك انت ولا تراه من زاوية الوالدة واتذكر اني قلت لك ان عليك ان تتعب واتذكر اني نصحتك ان تستفيد من الوقت في الدراسة والتفوق وانك الان طالب وفترة مؤقتة وستتخرج وستعمل وتصبح مستقل ماديا ولكن يبدو انك لا تريد ان تتعب وهذا ما تحاول امك ان تفعله لك ان تجعلك تتعلم دروس الحياة وتعلم ان القرش لا ياتي بسهولة، والان هي تحاول ان تعلمك درس اخر، اخبرها صراحة عن مصدر المال وقل لها ماذا قررت ان تفعل لان هذا المال دين في رقبتك لذلك الصديق ويجب ان يعلم عنه اهلك لسداده في حال وقع اي امر لا سمح الله. وعليك ان تصلح السيارة وتبدأ بالبحث عن عمل وتتوقف عن التذمر وتتصرف كرجل ولا تبكي ولا تنقهر ولا تغار ولا تقارن نفسك بغيرك، كن قويا واشمر عن ذراعيك فانت الان رجل عاقل ومكلف ويحق لك الانتخاب ويحق لك فعل اي امر تريده، ابدا بالبحث عن مساحة من الاستقلال ولكن اظهر لأمك رجوليتك ودعها تطلب من غيرك ولا بأس بالأمر فانتم كلكم اولادها وعلى الجميع المشاركة بالخدمة، انتبه انك الاكبر وان لك دورا في تربية اخوتك وان تكون قدوة لهم، تقرب من والدتك بالحديث الواعي وليس الطلبات فقط اشركها معك في خططك وحاول ان تجعلها تراك متفوقا وقادرا واهتم بدراستك وجامعتك فهي سلاحك وربي يوفقك.
- 0
- اعجبني
- .
- اضف رد
- .
- عرض الردود
- .
- 01-01-2020
-
أمي قاطعتني ولا تريد التواصل معي.. سؤالك غريب جداً وانا لم اجد اي سبب عن قطع امك التواصل معك لم اجد اي خطأ سبب مقنع من خلال قصتك انها تقاطعك.. عليك يا اخي الكريم ان تعمل بكل جهد ان تتفاهم مع امك وتجلس معها وتضع النقاط على الحرف.. الام تبقى ام مهما حصل ومهما أخطأت فهي لن تكره ولن تقاطع احد.. استمر في محاولة ارضائها
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
احدث اسئلة قضايا اجتماعية
اسئلة من بلدك
احجز استشارة اونلاين