في فتره الخطوبه اعترف لي انه يحبها !!
من مجهول
تاريخ النشر: 15-05-2016 15 إجابات
خطبت واحد وكانت مدة الخطبة شهر ونحنا خاطبين اعترفلي انه بحب وحدة ونفسه فيها بس امه رفضت لانها خاطبة وفاسخة اربع مرات ولانها اكبر منه ...المهم ...هاي البنت ونحنا خاطبين هددته ازا ما طلقني انها رح دمره ...وسالني شو راي بالموضوع وحكالي مستحيل اطلقك لانه ما فيك شي ينعاب وبنت كل بتمناك ..وما حدا عرف عن موضوع غيرنا تنين...وبعد الدخلة كانت اوضاعنا سيئة جدا من جميع النواحي ...وبالزات وضع الصحي عنا وكان وضعه هو اخطر ..وبلش يروح للاطباء وما كان يستفيد ..وبعدها صار يروح لعند شيوخ ويحكوله انت مسحور ومن القصص هاي وهو كان بشك في هاي البنت الي كانت بحبه ....وبصراحة انا ما بقدر احكي عليها سوء لاني ما بعرفها ..وبعد ست اشهر من زواجنا طلقني طلقتين ورجع لنفس البنت وتزوجها ..وطبعا في بينا ولد وابني معي وانا عايشة عند اهلي وعمره هلأ سنتين هلأ انا بفكر احكي مع طليقي واعرف موقعي من الاعراب يعني في نية بده يرجعني ولا ما احكي معه ؟؟؟لانه انا لسى صغيرة بالعمر 26وبصراحة وحدة بدها سند الها بالدنيا بعد رب العالمين طبعا لانه الاهل مش دايمين طبعا كان عنا بعض الفروقات انا ملتزمة جدا وهو كان عكسي بس مش لدرجة انه سيء بالعكس هو انسان محترم ومنيح وانا بحكي حق رغم انه اسأ الي هﻻ شو رايكم احكي معه وخصوصا انه من سنتين ما حكينا مع بعض من لما صارت مشكلة محتارة كتير بس طبعا ازا حكيت معه رح احكي في السر عن اهلي وصدقا مش مرتاحة لكن بدي اعرف اقل ما فيها ارتاخ نفسيا واعرف افكر بس يجي حدا يطلبي مش اضل قاعدة واستنى؟؟؟؟
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده يا ابنتي زوجك السابق من أصل الدنيا لم يكن مستقر في علاقته معك، كيف يخبر خطيبته عن حبه لفتاة سابقة ويترك زوجته ام ابنه ليتزوجها؟؟ولم اعرف سبب طلاقه لك مرتين سابقًا؟؟وانت الان لا علاقة لك به، استمري في حياتك، ويلي باعك بيعيه.نصيحتي لك ان تعطيه الولد لتربيه زوجته، لأنك ستضيعيم حياتك وتفقدين فرص الزواج وانت معك ولد، هو ابنه وهذا قراره فليتحمل مسؤوليته، ان كنت راغبة في الزواج من آخر، مسؤولية التربية وانت وحدك صعبة جدًا، وخاصة ان له سنتين ما سأل في ابنه، وانت مسؤولة عن كل شيء وهو يحب ويتستمتع؟؟انتبهي لنفسك من هذه النقطة ان كنت راغبة بالزواج.اما ان كانت رغبتك ان تكوني صاحبة رسالة ولا تريدين رجل في حياتك، فحافظي على ابنك وقومي بتربيته وابداي دورك في الحياة كصاحبة رسالة، ضعي هدف واسعي للوصول اليه.بالطبع لا تتصلي بع وتذلي نفسك له وهو تركك وطلقك لأجل الزواج من حبيبته الأولى.وربي يهديك للحل الصواب 
أخصائية علم النفس والتثقيف الصحي ميساء النحلاوي ما دام طلقك منذ سنتين ولم يسال عنك فماذا تنتظرين من الكلام معه؟ كان الاجدر بك الا تتممي الزواج بعدما اعترف لك بحبه لاخرى اثناء الزواج. من الواضح جدا ان طليقك لا يفكر بك ابدا، نصيحتي لك ان تنسيه تماما وتقطعي اي امل منه ولا تهدري كرامتك بالكلام معه. التفتي الى حياتك واهتمي بنفسك وبابنك وفي حال تقدم لك شاب مناسب فلا تترددي.
من مجهول كيف يعني تحكي معه عشان ترجعي او لا شو بالنسبة انه ظلمك مرتين المرة الاولى لما خطبك وهو بحب وحدة تانية والمرة التانية لما طلقك ورجع الها وتزوجها لحبيبته باختصار انتي كنت جسر حطه عشان يمشي فوقك ويدعس عليكي عشان يلبي رغباته وعشان ما يكون لاهله حجه لرفضهم للبنت راي اي حد عاقل وبيفهم انك تنسي نهائيا وتكملي حياتك بعقلك وتفكري بمستقبلك الي هو اساسه انتي لا رجل ولا اهل لانه من ناحية الديمومة ما حد بدوم لحد مش بس الاهل والرجال كمان روحي يا بنتي لا تضعي عمرك وانتي تستني بواحد اساسا ما عمره فكر فيكي من مجهول والله يا اختي ازا صحلك زوج مناسب وملتزم ما تترظدي وربي يعوضك خير للأسف هاد واقع حالنا المرأة دايما مظلومة والزلمة ما بفكر الا بنفسه ازا هوة فتح الموضوع وحب يرجعك وحابة ترجعي ارجعي بس انت ازا لسة مش مطلقة رسمي لازم حد من اهلك الرجال يحكوا معو ويتمموا اجراءات الطلاق عشان تقدري تتقدمي بحياتك وتبطلي معلقة وتعرفي راسك من اجريك ومارح توقف الدنيا عنده بنصحك ابنك ما تتركيه واتزوجي شخص يستاهلك ومن كل قلبي ربي يعوضك خير 
من مجهول تحكي معه ليش و تقللي من قيمتك اكثر ليش مثلا !!! سنتين و هو مش سائل فيك و رماكي ..و تبقي تستني فيه ليش مثلا ؟؟ اذا بتفكري انه ممكن يندك و يفكر يرجعلك و يترك حبيبته فبتكوني غلطانة و ساذجة ..فكري بنفسك و بس و اتركي هو يشوف حياته بعيد عنك و لا تفكري فيه ابدا و التفتي لحياتك و مستقبلك فقط لا غير لانه انت بعدك صغيرة و الحياة امامك بكل جوانبه او تفاصيله من مجهول انت اخطأتي من البداية لانك كنت عارفة انه بيحب انسانة غيرك و رضيتي به لانه بكل بساطة الحب الاول لا ينسى بسهولة وانت سكتي و تحملتي وهذا كان سبب انه يتمادى معك و يعاملك بسوء و يقلل من قيمتك ..هو اعتبر سكوتك رضى لذلك طلقك و ما سأل عنك و باعك ..و الاهم من هيك انك بعدك بتفكري فيه و بدك تسأليه انت شو وضعك في حياته !!!! اسمحي لي انت الي اوصلتي نفسك لهذا الوضع و تفكيرك السطحي بيخيله عمره ما يفكر يرجع لك ابدا 
من مجهول زوجك باعك و شاف حياته .. انت ابنك معك و صغيرة و ملتزمة و لا ينقصك شيء .. تزوجي و عيشي الحياة الزوجية الي حرمك ياها و الي كان مخططلها من قبل .. ابنه و هو ملزوم في الصرف عليه و انت صغيرة و الفرص امامك كبيرة و كتيرة لا تقفي عند تجربة سابقة فاشلة . و الله يوفقك في حياتك من مجهول اذا كنتي تسألي عن انك تنتظريه او لا !! الجواب كثيير واضح ! هذا الشخص غدر فيكي و ما حبك و استخدمك كوسيلة و يمكن اصلا و لا لحظة نسي حبيبته القديمة !! اكييد فكري في احد ثاني و على الاقلية فكري في نفسك مثل ما هو فعل .. و تزوجي و عوضي نفسك على الي خسرك ياه و عيشي استقرار و سعادة . شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
احدث اسئلة قضايا اجتماعية
اسئلة من بلدك
احجز استشارة اونلاين
