أمي تفضل الذكور على الإناث وهذا تسبب لي بحالة نفسية

مرحبا موقع حلوها موضوعي يتعلق بأن اهلي وخاصة أمي تفضل الصبيان على البنات و دائما كلماتها هي أن تفضل أخي الذكر علينا نحن 5 بنات و أخ وحيد أحتي الكبيرة ثم أخي ثم نحن الاربع أخوات من جيل بعضنا منذ صغري وأمي تقول أنها انجبت اختي الكبيرة اولا ثم أخي وتقولنا انه كان لازم توقف جيبان بس ضلت عم تجيب مشان الصبي عطول ونحنا قاعدين تقلنا انتو ما كان الكن لزوم وتقلنا وقت اجا اخوكن لمستلو ونبسطت وبستو وانتو قصدها عني انا واختي ونحن توءم تقلنا وقت قالولي انو معي توم بنات كنت رح موت واجيتو بالشهر السابع وقلت هلأ بموتو وتركتكن بالمشفى ورجعت عالبيت وتاني يوم خالكن جابكن من المشفى لما شفت طب عقلبي اي بجوز هي عم تمزح بس الحكي عالق بعقلي وكل ما اذكرو يزعل وببكي واحيانا بقول مزح و مع هيك بتأثر اكيد عم تقولو اذا مزح كيف عم تتأثري بتأثر لان هاد الكلام بسمعو من وقت ما كنت صغيرة لوقت ما صار عمري 20 سنة وقت كنت صغيرة كنت انسى واضحك بس اكتشفت انو كل ما أكبر أكتر وكل ما امي اسمع عم تحكيني هالحكي مزح او جد او هي وعم تمزح او هي ومعصبة كنت عصب وعيط مريت بفترة صرت حس حالي مالي قيمة و نقص من قيمة حالي صار عندي عقدة من هالموضوع وكل ما اسمع حدا عم يقول بدنا نجيب ولد وما بدنا بنت عصب بدون سبب وحتى هلأ بدعي الله يرزقني بنت مشان بس تكبر حسسها بقيمتها وقلها انو هي حدا كتير مهم حتى ماما تقول لو هالبيت كلو صبيان كنت ما بقول لأ وقت كنت صغيرة واخي بيكبرني بسنتين كان يضربني كتير ويشدلي شعري كنت افسدلها وما تحكيه شي بس الحمد لله هلأ كبر وبطل هالحركات(الله يخليه) عفكرة أخي انسان كتير طيب وحباب ومرح بس امي هي بتأثر عليه احيانا بتحكيه وبحس بتعلمو يقتلنا اكتر من مرة نتبهت عهالموضوع احيانا بتقلنا ما احلاها وقت اخوكم بيضربكن كل ما كنا قاعدين تقول وقت اخوكم اجا ابوكن وزع حلو عكل الناس طبعا التمييز بيننا هاد شيء طبيعي منكون قاعدين عالغداء بتقعد بتشيل كل الصحون بتحطن قدام أخي وبتسكبلو ونحنا ما بتهتم فينا ما بعرف اذا مو شايفتنا قاعدين ولا ما شايفتنا ووقت منخلص اكل بتقول انو خلو هاد الصحن ما حدا يلقو هاد لاخوكن حرام ما اكل شي طبعا خليت الصحن عجنب مو مشانا مشان أخي واحيانا عالغداء بتعمل أكلتين أكلة طيبة واكلة عادية الاكلة الطيبة بتعمل منها كمية قليلة وبتحط منها لابي واخي ونحنا ما بتحطلنا منها ماما ولا مرة دلعتني او دللتني او مسحت عراسي حتى مرة كنت عاملة عملية سافرت عمدينة تانية وتركتني لحالي وقتها زعلت كتيير حسيت انا مالي قيمة اخي الله يخليه مرة رشح اخدتو عالمشفى وجابولوا دواء وقعدت جنبو نهارين وهوي عادي مرضو صح هيك عم أحكي بس والله ما بغار من أخي ابدا هو حدا طيب كتيير وقت ماما ما بتكون منلعب معو بس اجت ماما بيتغير انا بحبو وبتمنالو الخير وبكره الاخوات الغارو من بعص ما عندي قلب اكره اخواتي بس عم احكي لاني مزعوجة من أمي صرت بكره كل ام بتميز بين ولادها صرت كل ما اسمع اي شي بيتعلق بهالموضوع بعصب مرة كنت عم اتفرج عم مسلسل قديم زلمي عم يقلا لمرتو بدو الولد قالتلو بلكي كان معها بنت سكت وزعل وبعدي قلها ايييه كل شي من الله خير وكانو رح تجبلو بهيمة هههه وقتها تركت المسلسل وقمت وعصبت وبعرف انو تمثيل طبعا تميز كتير ما بحسن احكيه كلو بس هاد الشي كان الو كتير نتائج علي كنت حس بفراغ عاطفي فمن صف الخامس لهلأ وانا واقعة بمشكلة اني كل سنة بتعلق يا برفيقتي يا بآنستي بالصف الخامس تعلقت برفيقتي وفكرت اني رح تحبني وحس بالاهتمام ضليت متعلقة فيها سنة ونص هلأ بكره حالي لاني حبيتا وبقول شقد كنت غبية عهالتصرف بعدين تعلقت بآنساتي كنت فكر رح يهتمو في بس هلأ ندمانة لاني ضيعت كتيير وقت معن وما بحط اللوم غير على أمي لانها ما شبعتلي عاطفتي المشكلة التانية اني كل ما بسمع أمي عم تحكي عن هالموضوع بعيط وبصرخ واحيانا برفع صوتي عليها بدون ارادتي بكون نفجرت من الغضب وكل مرة برفع صوتي عليها بضل ندمانة يوم كامل وبخاف الله يعاقبني وبرجع بضحك معها وبرضيها وبمزح معا بس رج نفتح هداك الموضوع برجع بعيط حتى للحقيقة أنا صايرة بقعد ببكي لحالي بدون سبب بدون اي شي صايرة ما عم اتحمل حتى اني امي تعيط علي بحس حالي جنيت وحتى لو كان الامر مو محرز وحتى اي موضوع تافه بيزعجني بعيط وانا اسفة بس حتى بس شفت أم عم دلل ولادها بغار حاولت قربلا لامي انو بدي حدا يهتم في بس ما افلحت لان ماما اخدة فكرة غلط عن الدلال ماما أخدة فكرة انو الدلال بخلي البنت تنحرف لا اكتشفت انو الدلال احيانا ضروري للولاد وانو نحسسن بقيمتن ضروري ما بدي اظلم امي كمان هي ما بتحرمني يعني بصراحة احيانا بطلب منها طلب احيانا في شغلات بتجيبها الي احيانا لأ والان اربد رأيكم بموضوعي واريد مساعدتكم واستشارتكم وبصراحة اريدكم ان تساعدوني لاترك ما أنا عليه أمي تحبني أكيد وانا أحبها بس طول صغري ما عطتني فرصة قربلها ونكون رفقات مشان ما اتعلق بحدا غيرها بدي تعطوني طريقا صير قاوم هالموضوع اديش ما نذكر قدامي وانساه لاني عم اظلم حالي وعم اظلم أمي لكن لحد الان وانا حالتي تزداد سوء ولم اجد الحل فأتمنى أن اجده عندكم