ان لم تتطابق نتيجة الفحص سيتركني !

تقدملي ابن عمتي هوه اكبر مني ب6 سنوات عتعبت كتير لمشاكل فرقتنا لا انا ولا هوه سببها وبعد سنه تقريبا رجعنا نحكي ونتعرف على بعض من اول ولليوم بكون لالنا 6 شهور ونص.. طبعا انا متغاضيه عن فكرة انه امي مش قبلانه فيه لانه بتكرهه من هوه وصغير رغم انه فترة12 سنه شافته ولا حكت معه ولا بتعرف طبيعته بس خلص بتكرهه فخكيتبها بدك ياني اتركه بتركه بشرط اعطيني سبب يقنعني اخواني التنين اكبر مني وموافقين عليه والوالد كان يعرف هوه والكل من لما خبرني الشب بالموضوع وما كذبت على حدا من اهلي ولما اجا عملولي كتير مشاكل تافهه ما العا داعي ضل اسبوع بس وما سامحوني اتعرف عليه من وجه لوجه وبالزور اخوي الكبير عن الماما وهيه مشغوله بعمتي والبابا طالع من البيت واخوي التاني عالسطح طلعنا السطح وحكينا يت دوب نص ساعه وبعدين اجا اخري جابه عالجامعه وخلاني نحكي ساعتين المهم قال البابا زعلان ومش موافق ما بده ياه لانه عرفه عحاله وما استاذن يحكي مهي رغم انه الكل بحكي مع الكل وانه كل حدا فينا كان صادق مع اهله وانه بدنا نتعرف عبعض ادا اتفقنا منكمل بشي رسمي وادا لا ينتهي الموضوع وعمل حاله هوه الماما ما بعرفو ومع ذلك عمتي بينها وبين الماما حكتلها بس الماما ردت بعصبيه وانه ما بدها الموضوع ينفتح لانه بدرس لا هلا ولا بعدين قررت من عندها من غير ما تسالني واساسا هيه مش معترفه انه عمتي حكت معها المهم همه لهلا مش موافقين والاسباب جدا مش مقنعه وكل ما تيجي سيرته بالغلط مع اخواني انا وهمه منمزح بتعمل مشكله وانها عرفت بالصدفه ومره خلتني احس لدرجه انه بنات الشوارع احسن مني رغم اني ما كذبت ولا عملت شي غلط طبعا هاد كل استشرت حدا كبير وقريب مني بالموضوع وحكالي ما تحكي بالموضوع لتتفقو وعليه انا ابدا ما بناقش بالموضوع ولا بجيب سيرته بس كل هاد النكد كوم وانه احنا خايفين من انه ادت فحصها فحص الزواج وطلع سلبي ما رح نكمل لانه حدا جدا مهتم انه حابب يكون عنده بنت وولد قصة انه احنا قرايب مع انه ناس كتير بكونو قرايب وبتجوزو عادي بس انا كتير خايفه لانه حكا انا ما بدي اكذب عليكي انا بحب يكون عندي ولاد صح مش من اول ما اتجوز بس بعدين انا بدي ولاد وهاد حقه مش معترفه بس صرت ضايعه صرت اشكك بمشاعره تجاهي والعصب كل ما افكر انه رح يتركني عشان ولاد لسا مش جايين او انه مرات بفكر انه عادي يروح ولا عدت عرفت انا بحبه او لا او انه بحبني اولا ولا عندي اي حل ومرات بفكر لو يكون فيه فحص وكل واحد ببلد او اي شي تاني انا كتير تعبت وكتير توجعت ولما رجعنا نحكي وانبسط شي شوي ارتاح تطلع هيك قصه ما بعرف ايش اعمل انا ضايعه