قصتي محيره و لا استطيع اتخاذ قرار معه

مرحباااااا ... رمضان مبارك عليكم ، حابة اخد رايكم بموضوع انا صراحة مو قادرة اخد فيه اي قرار ، القصة انه في شخص بعرفه من 8 سنوات كنا بنشتغل سوا صارحني بمحبته لالي علما بانه كان وقتها متزوج وفي طريقه للانفصال وكلنا كزملاء لالو بوقتها عارفين انه كل المشاكل سببها زوجته، انا بوقتها رفضت الموضوع قطعا ، وبعد فترة اجى لالو عقد عمل وسافر وانا كنت كمان منتقلة لعمل جديد ! كان كل فترة يبعتلي لكن انا كنت ما ارد عليه واذا رديت كنت اطلب منه ما يرجع يبعتلي اي شي وبالفعل ما عاد يبعت شي .. وراح الموضوع شي 3 سنوات يمكن مو عارفة بالضبط ، وبيوم رنلي وانا صراحة اتفاجات وقتها من مكالمتة بعد هاي المدة كلها وقتها حكالي " تتزوجيني " وخبرني انه انفصل عن زوجته من فترة ، طبعا انا انصدمت من اصراراه ومحبته ففكرت بالموضوع واستشرت اهلي هما كان عندهم تحفظ على الموضوع ! اجى اجازة بسيطة وسافر وانا وقتها خبرته اني رافضه الموضوع حتى رديت عليه برد شوي قاسي وحكيت اكيد اكيد بعد هيك ما رح يرجع يفكر فيني بس كرمال جوابي لالو .... راح الموضع تقريبا شي سنتين وبيوم فاجاني بمكالمته علي ورجع فتح الموضوع مرة تانية ... صراحة انا ما اعرفت شو احكي ... بس اكدت لالو انه ظروفه المحيطة فيه هي سبب رفضي كونه كان متزوج وعنده اطفال ... لكن اصراره بعد كل هاي السنوات خلاني ارجع افكر ... مرات بحس انه خلص رح اوافق كونه هو انسان كتير منيح ولطيف وبحبني لكن برجع بلحظة بتردد وبخاف من الحياة يلي ممكن تكون عم تستناني ... مع انه هاد الخوف ما ببينه قدام اهلي وقت نتناقش بالموضوع بالعكس بكون بصفه وبدافع عنه ... لكن بس افكر بين حالي بخاف !! هلا زمان كنت احكي بدي اتزوج شخص عنده اطفال وانا يلي اربيهم :) ما بعرف شو كان بتهيألي وقتها " سبحان الله " كل يلي بيعرفوني مو مع الموضوع لاجل ظروفه والمشاكل يلي ممكن تصير مستقبلا والناحية المادية كونه رح يكون مسؤول عن منزلين، وانه انا بستاهل الافضل من حيث الظروف ، خاصة انه الكل عم بستنى يشوفو مين الشخص يلي رح اتزوجه لاني كنت كتييييير ارفض اشخاص طبعا انا جامعية وعم بشتغل بمكان مهم و هو كمان شغله بالدولة يلي عايش فيها منيح، ع فكرة هو عمره شي 34 اكبر مني بشي 4 سنوات :) اسفة كتير على الاطاله .... دومتم بود ومحبة