أشك بتصرفات زوجة أخي كيف نتصرف

انا اخوي متزوج من 4 سنوات اخد زوجته عن حب زوجته شوي اطباعها وعاداتها غير عنا وبأول زواجهم صارت مشاكل بس بعدين تأقلمت علينا وهيا تعاملها معنا جدا كويس ومن اول زواجهم هيا كانت تشتغل ورافضة انها تقعد بالبيت هيا دارسة انجليزي من فترة تعيينت بمدرسة جدا بعيدة عن منطقتنا والمواصلات صعبة مرة زوجها يوصلها مرة صديقتها وبالرجعة مرة اخوي او تاخد اوبر المهم بديت اشك بتصرفاتها زوجها يروح من دوامو الساعة 9 بالليل وهي ع ال3 دايما حتطة سماعات وتحكي تلفون دايما تنزل عن المدرسة اللي تشتغل فيها هيا دايما كانت بس تشتغل ملتصدق وتروح هاي المرة غير 24 ساعة ماسكة تلفونها ودايما تشتري اواعي وتطلع كانها طالعة على حفلة للعلم ببيتها دايما بالبيجامات وريحة عطرها لاخر الشارع تكون واحنا مش هيك اطباعنا المهم مرة يا جماعة بالصدفة لقيتها بتحكي مع واحد اسمه ENg FADI ولقيت ضحكة بالمحادثة اول ماشافتني توترت وبطلت تعرف شو تعمل وبعدين شكلها مسحت واعطت التلفون لابنها يحضر عليه عشان تثبتلي انه مافي اشي وامي سالتها مالك حاسة فيه اشي مع انو ما حكيت لامي حكتلها لا مافي اشي وبحثت ولقيت انه فادي هاد مدير مدرستها وياجماعة الام اللي ابنها اقل من 4 سنين بتقدر تعطي اونلاين قال هي بتحكي المدرسة حكت لا بعدين ياجماعة حكتلنا انو صديقتها بدها توصلها اليوم الصبح ولون سيارة صديقتها بيضا وبتختلف عن اللي شفتها اليوم الصبح كانت سيارة زرقا بس ماتبعت مين فيها لما روحت سالت انتي اليوم( ) وصلتك الصبح حكت اه حكتلها طب سيارتها لةنها ابيض انتي اليوم اجتك سيارة زرقا حكت لا واسم صديقتها وهاد النقاش كان بوجود اخوي وقبل ما اشوف اليوم السيارة هيا اجت بررتلي بدون ما اسألها حتى ولا ابينلها اجت وصارت تحكيلي هاي الفرة بيني وبين المدير شغل كتير لازم اداوم طب انا ما سألتها ولا اشي وحكيت لامي لاني مش عارفة شو اتصرف واخوي ياجماعة ولا هون ولا حاسس ولا اشي بس امي حكتلو انو المسافة بعيدة وشحوطة الها خليها تدور ع مدرسة تانية صار يصرخ ويحكي ماحد يتدخل وان شاءالله تروح المغرب ومابقعدها بالبيت وهيا مكملة بغلطها ياجماعة شو نعمل واحنا مابجنا نخرب بيت اخوي ادا بنحكيلو رح يطلقها وعندهم ولد عمرو 3 سنين حرام يتشتت مع انو ياجماعة والله اخوي مش مقصر معها وراتبها ما بوخد منو ولا شلن وكتير منيح وبساعدها بالبيت وبأبنها واحنا نفس الاشي مابنتدحل وكتير مناح معها بس شو نعمل مش عارفين نتصرف انا وامي ومش قادرين نحكيلو بس بنلمح وهو مفكر انو احنا مابدنا الخير الو وبدنا نقعدها عن شغلها وكمان هي بتداوم وابنها بضل عند امي واخوي بس يروح من شغلو بنزل هو وابنو عنا قال عشان هيا عندها شغل شو بتنصحونا نعمل ومعقول اللي بصير صح ولا احنا فاهمين غلط؟؟؟ وهيا كانت تتزبط بشغلها بس مش لهدرجة يجماعة اسفة على التطويل وشكرا