والدي بخيل كيف اتعامل معه

السلام عليكم .. اتمنى اجد حل لتعامل مع الوالد الله يهديههوا انسان بخيل من اول مايدخل احد عياله للجامعه يقطع عنه كل المصاريف يعني الابن هو الي يشتري ملابسه كتبه اغراض للجامعه جوال مصروف للاكل اغراض خاصه كذا مرا انزنقت ورحت اطلب منه ورافض تماما انه يساعدني ماقد فرحني فحياتي بمبلغ وقال اصرفيه فالي تبينه زي غيري ماقد اهداني هديه حتى لو اساوره انا راضيه بس ماقد عطاني شي ابدا عشت حياه صعبه اول مادخلت الجامعه كانت تروح نص المكافاه للباص الخاص وكنت امسك نفسي ولا اكل شي لين اوصل البيت واحاولاني ما اصرف كثير مايساعدني بشي مر علي ترم بدون مكافاه وتوهقت بفلوس الباص رحت اطلبه اترجاه ولا همه خلاني اتسلف وهو مافكر وقال بنيه مسكينه خلوني اوقف معاها حزنت على نفسي هذا وانا بنت حيلتي على قديحتى ملابس العيد يقول عندك مكافاه طيب وشفيها لو فرحني وعطاني ميه ريال على الاقل انا راضيه والمكافاه انا حاطتها بجوال لان حقي كان صغير ومكسوره شاشته وقعد معي ثلاث سنين حتى صحباتي يتريقو عليا وعلى جوالي .. حتى اخوي الصغير عمره ثلاث سنين عمره ماهتم فيه ولافكر يفصله ثوب احيانا تجيني افكار زي انا لازم اشرد او لازم اعور نفسي واروح للمستشفى عشان يحس واحيانا افكر انتحر لولا ايماني كاني منتحره من زمان واشياء كثيره كثيره من ابوي تقهر وتغبن القلب وتخليني ادعي عليه واتحسب انا تعبت ابي حل