اريد ان اعرف ما هي شخصية الخاطب

السلام عليكم انا في الجامعة ومتبقي لدي سنه ونص وبتقدموا لخطبتي ولكني محتاره بين اخاف اقصر في دراستي او اقصر في حقه مع انه من سنين وانا بدعي ربنا يرزقني ابن الحلال الي يسر قلبي وخاطري والحمد لله بتقدموا لخطبتي الكثير ولكني بديت اشعر انه انا بضل ادعي ربنا وربنا برزقني وانا برفض علشان دراستي وحتى في كتير بنات قادرين يوفقوا بين دراستهم وزواجهم وطيب حتى لو خلصت دراسه مهي هي رح تضل المشكله كيف بدي اوافق بين شغلي وزواجي هيك اهلي بحسسوني يعني ما في شي رح يتغير وطبعا اهلي ما بجبروني على شي بس هيك افكارهم وانا صرت استحي من رب العالمين انه انا بدعي وعلى طول برفض والعمر بعدي ويمكن يجيني حدا كل مواصفات التمام فيه وانا ارفضه والحمد لله ما عندي اي علاقة سابقه وواثقه بربنا كتير بس خواتي متزوجات ومو مرتاحات مع انه اكيد كل واحد اله تجربته بتختلف عن التاني وشو هي افضل مواصفات الشب الي اكمل عمري معه لانه ما بدي ارتبط بس علشان فلوس او شهاده وشو هي الاسئلة الي بقدر اعرف شو هي شخصية الخاطب وجزاكم الله الف خير .