ابي اضاع كل سنين تعبي بسبب خوفه

السلام عليكم دلوقتى انا عندى 30 سنة بنت لأب و أم أطباء لكن الحمد لله مش زى الأطباء اللى هما قلبوه بيزنس وقضوا عمرهم فى الريف يعنى مستوانا متوسط الحمد لله و أنا خريجة كلية قمة جامعة فى القاهرة و أصلا من اسكندرية كنت فى فترة الدراسة فى مدينة جامعية مع زميلاتى اللى كملوا حياتهم هناك عشان عارفين ان سوق العمل هناك و فرص اكتر و بابا كان يعرفهم و بيقولى انهم كشخصية غيرك المشكلة عشان مطولش إنى عشان اشتغل فى مجالى اللى تعبت فيه جدا كفرصة حقيقية تحقق لى طموحى و ذاتى أو اعمل اللى بحبه كهدف (ليس متعلق بمجال الدراسة كمان) و اﻻقى نفسى ﻻزم اروح القاهرة اللى هو اصلا مرفوض تماما من والدى و مستحيل لأنه قال بالنص لو هتجيبى ملايين لا برضه ده غير انى انا نفسى مبحبش اعيش غير فى اسكندرية بس مصلحتى هناك و قولتله كده كتير و طبعا للكم أن تتخيلوا كل السنين اللى قضيتها فى الدراسة (مش بس الكلية ده من ثانوى و قبلها و غير الكورسات) كل ده ضاع فى الهواء و برضه كمية الاحباط و بالفعل مريت باكتئاب و هو معرفش فى حين إن مبرره لكده إنه مش هيبقى مطمن عليا هناك و أنا وجهة نظري إنه مش بالمكان اللى مكتوب لى يحصل هيحصل حتى لو فى البيت جمبه و ده فعلا اللى حصل انى تعبت و هو معرفش حاجة ماما بس اللى حست هو مش عايز يبقى شايل همى هناك و معتقد انى طالما قدامه كده يبقى مطمن عليا حتى لو دى مش الحقيقة حاسة إنى عمرى بيجرى و مش عارفة اعمل حاجة لكن انا دلوقتى اكيد غير لما كنت من عشر سنين و قولتله له كده برضه لكن هو بيخاف خوف زائد اللى هو بيبقى ليه تأثير سلبى لازم عشان شخصيتى تتغير اختلط و اتعلم و ده اقتناعى ان ده هو الصح لكن هو عامل حساب لكلام الناس و بس مش مهم اى حاجة تانية و كمان على المستوى الشخصي بقيت مش عايزة ارتبط بأى شخص زيه فى الصفات و سبحان الله فعلا كل اللى اتقدم لى كانوا كده و هو اصلا مقتنع إن البنت للجواز و بس لكن مش بيعترف بانها يبقى ليها كيانها و طموحها و بعدين دلوقتى اصلا مينفعش الواحد يعتمد على الجواز بس يعنى الطﻻق بقى نسبته قد ايه و مش هينفع اوقف حياتى على الموضوع ده خصوصا انى خلاص مبقتش عايزة اتجوز قبل كده ماما قالت لى قبل كده يعنى لا يبقى لا ده و لا ده لما كان متقدم لى واحد بس مش مناسب تعبت اوى بجد لأنه مش موقف واحد ده على طول كلام فى الموضوع ده و طبعا الحاجتين دول أمور مصيرية مش ساهلين و فيه مشاكل على طول بسببهم مش عارفة اعمل إيه و تنصحونى بإيه هو كل اللى بعمله دلوقتي ان بدعى ربنا بس ده يبقى اسمه تواكل مفيش فيه أخذ بالأسباب و آسفة جدا انى طولت و شكرا