يراني بابشع صورة رغم اني جميلة جدا

السلام عليكم ...حاب اطرح مشكتلي بلكي لقيت حدا يساعدني اطلع من الوضع الحالي..انا فتاة ملتزمة بفضل الله من صغري ....ولما تخرجت من جامعة في واحد طلبني وسألنا عنه والكل مدحه...وبعد خطبتنا بأسبوع اعترفلي انه كان بحب وحدة بس أمه رفضتها ..وبعد بشي يوم رنت هاي البنت ع خطيبي وههدته ازا ما طلقني انها رح دمره وهو كان صريح معي حكالي انها بتهددني ..بس انا من غبائي ما حكيت لاهلي لاني بصراحة حبيته وما كنت حاب اخسره...وضلينا على هالحال واعترفلي كان اله علاقات مع بنات كتير ..انا ما كان عندي هاي القصص...كان همي في دراستي ولما حكالي حكيت بنفسي طيش شباب وبعد زواج رح يتغير وهو وعدني يتغير ...وفعلا تغير بس ضلت هاي بنت في بالي ..وحكيتله انا 9اس فيك لانه مشاعرك صعب تتحكم فيها ...وربي اكرمي حبلت ع طول وبعد 6أشهر زواج تغير علي كتييير ...بطل يحب يسمع صوتي او يشوفني كان دائما يحكيلي اني قبيحة الوجه مع اني بفضل جميلة جدا ولبست خمار من طفولتي حتى احافظ ع نفسي ...كان كل يوم بنفسية شكل احيانا بشوفني ملااك واحيانا بشوفني بابشع صورة ...وضليت ساكتة وصابرة ومتحملة ..وبيوم احتاج مصاري حتى يشتري سيارة وما كان معه اعطيته كل ذهبي وحكيتله كله فداك اهم شي وضعنا مع بعض يتحسن ...واخد ذهبي واشترله سيارة وتاني يوم ع تلفون طلقني دون مقدمات وكنت حامل بالشهر السابع وبعدها اقام علي دعوة بالمحكمة شقاق ونزاع ومهم محكمة ما كانت عادلة ظلمتني بحقي مو هون مشكلة وقبل ما تقر محكمة بطلاقي تزوج 6شيقته وقطعني تماما .. ابني حاليا بحضانتي عمره سنتين والحمدلله احسن ترباية وشخصيته قوية رغم صغر سنه ..وبروح لعند ابوه بس بالغصب وانا عمري27سنة ...مشكلة اني لسى معلقة امالي انه ابوه يرجعلنا رغم كل الي عمله ..كرمال ابني لاني مش مطلقة الا وحدة ..ومش قادرة اشوف حياتي واتزوج وابعد عن ابني لانه نفسي الي بتنفسه وبحزن عليه كتيير..وحاليا عند اهلي بفضل الله اهلي متاح بس مشكلة عند الله مادي كتير خلاني اعمله وكالة عامة وازا طالبته الغيها بزعل وبطل يحكي معي ..وما في حدا بطلع بايده اشي من اهلي ...وضاغط علي كتيير ...حاب اتعلم سواقة وارفه ابني بس كتر ضغط مش قادرة ..طبعا طليقي حاليا بكره يسمع اسمي وازا حدا ساله عني بحكيلهم 8ليها تتزوج ومستحيل ارجعها ..رغم ذلك لسى بفكر فيه ...مش لاجله والله كرمال ابني لانه محروم من كل شي ...واهمها الابوة التي تعني الامان حتى لو كان والد نار لكن وجوه جنة ..وانا احكي مع طليقي مستحيل وهاي الي اخدها شرطت عليه ازا بده يرجعني لازم يدفعلها خمس الاف دينار ....افيدوني واعذروني على الاطالة