بعد زيارة والدتها انقلبت 180 درجة !

متزوج من سنة ونصف وخطبتها لمدة سنة ونصف كانت لطيفة معى فى فترة الخطوبه زى اى اتنين مخطوبين بس المشكله انها كانت بتتظاهر بهذا الشكل للاسف معرفتش الكلام دة غير بعد الزواج المهم تزوجنا والحمدلله من اول شهر حملت ودام حملها لمدة ستة شهور وكنا فرحانين جدا لدرجة انى كنت بقول مفبش مشكلة بالنسبه لى من ناحية الكدب والحوارات اللى بتعملها هى ووالدتها وسقطت فى اخر السادس وكانت حزينة جدا وانا كنت محتويها فى الفترة دى وكنت بطيب بخاطرها ومع الكشف وجد عندها مشكلة فى الرحم ومحتاجة عملية واتفقنا ان احنا نعملها وذهبت قعدت عند والدتها زيارة وياريتها ماذهبت جات متحولة 180درجة وانا مش عاملة عملية الا لما اروح للدكتور فلان والدكتور فلان وكانت انهاردة بكلام وبكرة بكلام تانى والدكاترة اجمعت ان لازم عملية ومن بعدها كل شوية فى مشاكل وكل شوية نرفذة وتغضب عند والدتها واروح اصالحها وعمرى لاانا ولا اهلى قلنلها ان العيب منك وشاعت فى الدنيا كلها ان انا واهلى بنتهموها بكدة صالحتها مرة واتنين وتلاتة ومفيش فايدة ترجع شوية وتعمل مشاكل تانى اخر مرة رجعت الفترة دى كنت اجازة من الشغل ولقيتها على غير عادتها تليفونات كتير وتشوفنى تقفل لو روحت الاوضة التانية تتكلم تشوفنى تقفل على طول اقلها بتكلمى مين تقولى صاحبتى المهم شكيت بالامر وفى يوم تليفونها رن وبنفس الرقم اللى كنت بشوفة عندها على طول اللى هية بتقول علية صاحبتى وكانت الصدمة فتحت واستنيت شوية سمعت واحد بيقولها انتى مبترديش لية هو جوزك عندك وقفلت بدون مااحسسها باى حاجة واكتشفت ان صاحب الرقم زميل لها فى الشغل مش صاحبتها زى ماهى بتتدعى المهم بعد ماتحريت عن صاحب الرقم وتاكدت اتكلمت الاول معاها باسلوب راقى طبعا هية اتصدمت من الكلام دة وشوفت واحدة تانية خدوهم بالصوت ليغلبوكم وانكرت كل الكلام دة وتانى يوم مجتش البيت وطلعت على والدتها وطبعا العادى كدبت على اهلها ولم تقل الحقيقة وعلى هذا الحال بقالها خمس شهور واهلها مصدقينها وبيقولولى ان انت الكلام دة انت بتشك فيها وعايزين طلاق اعمل اية معلش انا طولت عليكى