خائفة على زوجي من كلام الناس بسبب ابنتي

السلام عليكم كيف حالكم انا متزوجه عمري 36 سنه الان وعندي من زوجي الاول بنت وولد توأم عشت مع زوجي الاول ثلاث سنوات وكانت كلها ذل وإهانه وخيانه تزوجت زوجي الاول بعمر 18 سنه وبعدها طلبت الطلاق وتطلقت بعدها بعمر 21 سنه وقالي مابغى العيال خليهم عندك ماني معطيهم فلوس نفقه ولا ابغى شي يذكرني فيك وقلت له انا لست موظفه كيف اصرف على الاطفال وهم بعمر سنتين ومن يومها كرهت شي اسمه رجال وزواج ، ووالدتي قالت ردت عليه وقلت انا ملزومه فيهم لاتنفق عليهم وطلبت ان ارفع شكوى عليه بس والدتي رفضت وقالت اذا بعطيهم من غير نفس مانبغى منه شي انا قادره الحمدلله ومشيت بكلمها ورحنا بيت والدتي انا وابنائي وعشنا حياه كريمه انا وابنائي لمده سنه وبعدها توفاه غاليتي وكسرني فقدها ، والصدمه كانت بعد وفاتها طلع اخواني وطالبو بيع المنزل بحكم ان ولدتي وولدي توفاها وانا مالي ماكان اروح له وبعدها قالو لي اخواني وين رحنا احنا اخوانك تعالي عندنا ولكن الصدمه الكبر بعد بيع منزل ولدي الذي اضعت بعد وفاتهم وبعد ماتم بيع المنزل واتيت لمنزل اخي الاكبر تغير تعامله معي وظهر وجه الحقيقي وكان يعاملني كاني خادمه له ولي إمراته وكان يقول لي لو كان فيك خير ما طلق زوجك وقال لي كل قاعده عندي ليه ماتروحين بيت اخواني بس انا اخوك لم يخافو الله فيني وانا اختهم الوحيده وذهبت لبيت اخوي الثاني ونفس الحكايه وكانت إمراته تجلسني الصباح الباكر وتقول لي نظفي البيت والحمامات ابي اجلس واشوف كل شي نظيف وكل يوم على هذا الوضع وقالت لي خليك على هذا النظام كل يوم مو تقعدين تبيني اصحيك كل يوم اصحي من نفسك مو فاضيه لك اصحيك انا كل يوم ويوم شتكيت لي اخي قالي أمراتي ماقالت شي خطا سو نفس الي قالت لك عليه انت في بيتنا انتي الي تخدمينا تبينا احنا نخدمك بدل ماتخدمينا ولا بس تبين تاكلين وتمسحين ايدك بالجدار وقال اذا مو عاجبك روح بيت اخواني ،وذهبت بيت اخوي الاخير وكانو تعاملهم معي لايفرق عنهم ب شي كانو محاطين مع الخادمه بحجه ان ماعندهم مكان اذا تبين تقعدين قعدي ماتبين روحي بيت اخوانك وتعبت وانا اتنقل من مكان لمكان انا وعيالي وقعدت ، لدرجه الخادمه الي مش من لحمي ودمي عطفت علي وكانت تساعدني لمرضو عيالي وكانت تقولي انتي ارتاح انتي واجد تعبان انا سوي وحبتني وحبت عيالي وهذا الي خلني اقعد في المكان لان في احد كان يسليني وبعدها سوت قامت تسوي نفسها مريضه الخادمه عشان ماتنزل وتشتغل وقالت ابي ايجازه واحد اسبوع وقلت لها لا خلاص بعدين هو كلام انا كلام وحاولت معها لكن اصرت وقلت له بعدين هو ودي انت سفر وقالت مافي مشكل خلي ودي انا يبغى سفر والي ماتخاف الله جات وضربت الخادمه وقالت لها مو على كيفك تنزلين يعني تنزلين انتي في راتب يعطيك مافي بلاش شغل تعبان مافي تعبان انا مافي مسؤول وبحكم ان الخادمه وقفت بصفي لان انا سوت نفسها مريضه عشاني وعشان تقعد معي تسليني قلت لازم ادافع علنها لان وقفت معي وقلت لها انا الي قلت لها سوي نفسك مريضه ولاهي ماكانت بتقول لك وردت وقالت انا عارفه ان انتي مين غيرك الخادمه من جات ماشتكت من شي جيتي انتي وقامت تتشكى جيتي وخربتي الخدامه علي بس من بكرا اثنيكم تقعدون الصباح وتنضفون البيت كلهم والحمامات والارضيات، واستمريت على هذا ذل ، وكانت تقولي اذا كان في ضيوف او خواتها جاو لها تقولي لاتنزلين تحت خواتي بيجون خليك في قرفه الخادمه معها جلسي لاتنزلين وتفشليني ، واستمريت على هذا الموال سنه كامله تقريبا من بعد وفاه ولدتي وكانت هذي سنه كنها 100 سنه والحمدلله بعدها جاني اتصال من رفيجتي وطال الحديث لكن كان اهم الحديث الي بينا قالت لي وين من زمان ماشفناك من بعد وفاه الوالده قطعتي وجا الوقت الي افضفض فيه لي احد مع اني كنت ضد هذا شي بحكم ان مشاكل عائليه ومايصير اشتكي لي احد بس الي حدني اني اتكلم لان ماكان احد من عائلتي يسمعني بس لكل انسان طاقه تحمل وشي زاد عن حده وجا الوقت الي ربي يفرج فيها همي وييسرها لي والحمدلله ان ربي عوضني خير ، جا الوقت اني افضفض لي رفيجت عمري الي كانت تدرس معي بثانويه وفضفت لها بالجوال كل شي مع اني كنت ضد هذا شي ان اقولها بس قلت لها لان ماكان في احد كنت اشكي له حالي بعد وفاه ولدي وولدتي واخواني قبل وفات ولدي وولدتي ماكانو كذا بس بعد وفاتهم تغيرو علي وهذا الي خلني افضفض الي بدخلي لي رفيجتي ولما فضفت كل الي بدخلي حسيت ان ارتحت وانشال حلم كبير على قلبي ، وقلت لها اني محبوسه بالبيت ومتنقله من بيت لبيت عند اخواني وقاعد مع الخادمه هي الي مسليتني المسكيه وطال الحديث وقلت له هذا قصتي كامله ، وبعد مرور اشهر جائت الصدمه وطلبتني بزواج اخيها وقالت لي ان اخيها يدرس في لندن طب بيطري ويريد الزاوج وياخذ زوجته ويستقر معها وقلت فرصه ان تتركي المكان باكمله وقلت لها اني كرهت الرجال ومابغى اتزوج مره ثانيه وانتو عائله قادره غنيه وقادره ماديا ليه تورطين اخيك بوحده مثلي مطلقه معها طفلين ليه خليه يعيش حياته وقالت لي اخي يخاف الله وغير سوف ترينه مع العشره وبعدين هو في عمرك وانتي مثل اختي ورفيجت عمري كيف ان اخليك ان تتورطي بنفس هذا الموضوع واجلس صامته ان سكت هذا انانيه مني انا سوف اطرح لي اخي الموضوع وان شاءالله يكون فيه النصيب بينكم ويكتب لكم الخير وطرت الموضوع لي اخيها وانا كنت بصراحه خائف ومتردده بزواج كيف اسافر برا معه بس يوم شفت معامله اخواني معي قلت بروح وربي معي وكنت كره الزواج لكن بحكم الي شفت من اخواني خلني افكر بهذا الموضوع وبعد مرور ايام وفق اخوها بزواجي ، وجا ليخطبني من اخي الاكبر ولما جا وقال لي قلت له اسئل عن الشاب كيف ان تزوجني لرجل ماتعرف عنه اي شي اسئل عنه وقال لي ورد انت مين يبغى يحمد ربك ان في احد خطبك ولا راح اسئل عنه وبتوفقني قصب عنك انا قلت هكذا لكي اشوف ردت فعله ولكن للاسف لم تتغير ورموني وانا اختهم الوحيده ، وبعد مرور ايام واستخاره وفقت ، ولكن كان في واقع وهم ابنائي وصعب اوديهم لي ابن الناس وابوهم وال فيهم وقلت ممكن ان يحن لهم بعد مايدري اني راح اتزوج ولكن رفضهم وقال لي انا تزوج عندي ابناء ولا اريد ابناك انا قلت لك من قبل لا اريد شي يذكرني فيكي اذا ماتبغيهم وديهم لي اخوانك او در الايتام ، وبعدها قلت لان اتزوج واتصلت على رفيجيتي وقلت له اعتذري من اخيك وقلي له ماكو نصيب وقالت ما المانع قلت له صليت استخاره وقلبي مارتاح وبعد مرور ايام رجعت وفتحت الموضوع لي وقالت انتي فيكي شي بس انا سكت وقلت اخليك لما تهدي يوم او يومين وقلت له والد ابنائي مايريد اطفاله وقالي وديهم لي اخوانك او دار الايتام وانا صعبه اوديهم او حتى اخليهم يربون مع اخواني مابي عيالي يضيعون وانا افكر بمصلحتي وانساهم ويضيعون بسببي وسكتت وبعد ايام رجعت واتصلت علي وقالت لي اخي ماعنده اي اشكاليه ان يتزوجك ويجون معك ابنائك بس لازم ابيهم يوفر لهم تصريح السفر وهو يتحمل الباقي وقلت له كيف بس هو مو ملزوم فيهم هم ليسو ابنائه كيف ان يتزوج وحده معها اطفال من في هذا الزمن يتقبل ان يربي اطفال غير اطفاله وسكتت قالت ماعندي اي شي اقوله لك انتي ستعرفين اخي مع الزوج والعشره ، وتزوجنا ورحنا شهر العسل وقالي شنهو طموحك قلت له اني اكمل الجامعه وادرس في كليه الهندسه بس ماربي كتب وقالي يا من بكرا اسجلك وبحسابي الخاص وسجلني على حسابه الخاص والحمدلله تخرجت بمرتبت الشرف هذا بفضل الله ثم فضله طبعآ قعدنا اربع سنوات في لندن وبعد تخرجه وتخرجي رجعنا البلاد ورب عيالي وحبهم واحببوه واعتبروه مثل ابيهم واعتبرهم كانهم ابنائه ودرسهم مدارس خاصه وعلمهم احسن تعليم وتفوق ولله الحمد الحمدلله وعشت اجمل ايام حياتي معه تزوجته وانا ماكنت اعرف شي عنه تزوجته وانجبت منه 4 اطفال ولدين وبنتين وعامل عيالي مثل عيالي لدرجه ولدي الكبير ياسر الي من زوجي الاولي ، الناس لنادونه باسمه يابوياسر ولحد قاله بو ياسر يقول اي نعم انا بو ياسر ،عشت معه 14 سنه واتمنى ان الله يطول بعمره وعمري لكي اعيش باقي عمري معه ، بس بعد ماكبرت بنتي وصار عمرها 16 سنه كلام الناس تعبه وتعب بنتي يضايقونها الطالبات ويقولون لها ماتستحين هذا مو ابوك ليه تركبين وكانت ماترضى وتقول ابوي هذا معه وكان يسمعه واسمعه انا لجينا ناخذها من المدرسه ويقولون مخلي في بيته بنت مب بنته الي مايستحي وحاولنا نواسيه انا وبنتي ونقوله ماعليك منهم وبعدها يجي لي في الليل يبكي يقولي انا تعبت وعفت الدنيا هذي بنتي مربيها بيدي من عمرها سنتين والحين ينقالي هالكلام والله اني خاف اخسره واحسن اني كنت انانيه يوم تزوجته مع العلم اني تعلق فيه وهو حبني وانا حبه والعيال يحبونه عندي منه 4 ابناء ولدين وبنتين ،و2 من زوجي الاول وشهاده الحق كلهم 6 عادهم مثل ابناءه وهو من تكفل فيهم من لين عظامهم والى الان متكفل فيهم ومايرض عليهم ولا يرض احد يقثهم ب شي والرجال مايستاهل كل الي ينقال رجال مصلي ويخاف ربه فيني وفي عياله والله ساعات الوم نفسي اني تزوجته احس ان كان يستاهل وحده احسن مني واحس اني كنت انانيه يوم خته والله خايف اخسره او يصير فيه شي .