تزوجت ثلاث مرات وتطلقت ماذا أفعل

السلام عليكم ورحمة الله وبركاته تزوجت ثلاث مرات وتطلقت ماذا أفعل فأنا تزوجت ثلاث مرات وانفصلت بزواجي الأول بقيت عشر سنوات وسبب انفصالي كان انو زوجي كل فترة يتزوج ويطلق تزوج علي ٨ مرات وبنفس البيت طلبت بيت لحالي رفض وهون انفصلنا وعندي طفل منو انفصالنا كان ودي لانو بعمري ما اذيتو بس صار شي فوق طاقتي تزوجت مرة تانية من شخص وضعو المادي سيء قبلت لانو كان طليقي الأول غني كتير قلت ممكن هاد يعوضني بشي تاني كان عندو طفلة اهتيمت فيها وحبيتا وهي حبتني بس هو ماقدر ابدا صار في خيانة واكتشفت هالشي وباول زواجي حملت وهو مابدو الحمل وجبلي دوا كرمال نزل البيبي وبوقت مات البيبي وماصار إجهاض والدكتورة حكالي وضعك بدو مستشفى وعملية ضروري وهو ببرود يحكيلي وضعو مابيسمح ياخدني المهم حتى لبعدين شو ما اطلب منو يحكيلي اطلبي من ابوكي وكتير قصص ويروح يوصل رفقاتو البنات ومرة جاب صديقتو عالبيت لعندي بدون مايخبرني وكتير قصص من بخل وخيانة بوقتا

حكيت لأهلي وأهلي ماخلوني ابقى عندو وصار مشاكل وكبرت القصة وانفصلنا اعدت اربع سنين ونص خايفه اتزوج اهلي توفو وانا عايشة عند خواتي هييك لحتى تقدملي شخص عندو خمس ولاد وملتزم قلت يمكن اذا قبلت ربي يعوضني بحسنة هالاطفال وانو هو شخص بخاف الله قبلت حتى ماطلبت الا شي رمزي وهو بوقتا أصر انو الملبس يكون مع المهر المقدم المهم تزوجت ورحت معو ع بيتو وانصدمت طبعا هو كان ببلد تاني اول شي ندمت من وضع البيت يعني هو بيت غير قابل للسكن مابعرف كيف عايش فيه قلت معلش منغيرو بالأيام تاني يوم صار يعيط ويصرخ علي وشوي كان رح يضربني لو ماشافني خفت ونهرت وصرت ابكي صار يحكيلي بمزح معك وبجربك

المهم عدت القصة ولما اعدت مع بنتو حكتلي كتير قصص منن انو كان مسجون قبل مايتزوجني وشي كان يضرب طليقتو وكاسرلا ضهرا وشي انو بيضرب الاولاد وبيخافو منو وحكي كتير انا هون انصدمت وهو كانت معاملتو معي بتخوف يعني يصرخ ويعيط ولما يشوفني خفت وبكيت يهدأ وحتى يتركني وينام بالبرندة شي ينام قبلي ولما سألتو حكالي هاد شي نفسي وانا اكتشفت لما يقرب مني انو عندو ضعف بصراحة لجأت لأهلي واجو اخدوني ع اساس زيارة واحكيلن واشوف شو لازم اعمل هون ابن اختي لما حكيتلو عن وضع البيت والصراصير ومعاملتو مع ولادو صار يضرب بنتو بالخرطوم والتانية يحكيلا اشتقتي للنومة بالتواليت

يعني من اسبوع صار كل هالشي قالي ابن اختي القصة واضحة واذا رجعتي يعني انتي قبلتي بكلشي هون حكا معو وقالو متل مادخلنا بالمعروف ننهيها بالمعروف ولا بقلو بدي الدهب وكلشي دفعتو بطلق وهو بيعرف انو مالي حدا ومابشتغل يجي يحكي معي ارجعي ع بيتك ويحكي مع ابن اختي بشي تاني ولما رجعتلو الدهب ودفعه من المبلغ طلقني وقال لابن اختي اذا بدكن اللبس يلي عندي بعتولي أجرة شحنو ابعتلكن ياه وانا حالتي هالفترة متدمرة مابعرف اذا غلطت اني طلبت الطلاق ومابعرف حياتي كيف كانت رح تكون معو بعتذر عن طول الشرح حاولت أبين الأسباب ومع هيك اختصرت كتيير