هل أرجع لطليقي بعد زواجه

ممكن سؤال هل أرجع لطليقي بعد زواجه فانا زعلانه عند اهلي من شهر رمضان بسبب انه اتجوز عليا وكان مقعد مراته في البيت معايا ولما رجعتله كان سبب انفصالي انه بيعرف حريم كل شويه ومعايا عيل منه انفصلت كان عنده ٦ شهور وبعد ٥ سنين طلاق رجعنا وقالي انا اتغيرت ونرجع عشان ابننا ولما وفقت بعد ٣ شهور لف عليها واتجوزها

كان دايما يتلكك عليا ف البيت ويغلط فيا ويشتمني ولما رضيت بالأمر الواقع انه اتجوز ومينفعش افرحها فيا واطلق بكلام من اهلو كان بيشجعوني اني اقعد بس انا لقيته مبيعدلش ما بينا ودايما عندها ومبيصرفش عليا انا وابنو وحستو اني بينزل عندي متغصب عشان حسابه قدام ربنا بس وحصلت مشاكل كتير وخدت ابني ومشيت بقالي دلوقت ٨ شهور مسئلش فيا ف جنيه وابنه دخلته مدرسه ودلوقتي هو بيكلمني عشان اديلو فرصه ونرجع والولد يتربا وسطينا مع اني اديتو كذا فرصه قبل كده واخواتي رافضين بسبب عمايلو

انا جيت علي نفسي كتير واستحملت غربه وبعدي عن اهلي عشانه وكل مره كان بيخذلني ومش عايز يطلقني غير لمة انا احضر واسافر مع والدي ولو هرجع عايزني والدي اللي يوديني او اسافر لوحدي بحجه انه مينفعش يسيب الشغل انصحوني لوجه الله اعمل اطلق ولا ارجع واسفه اني طولت عليكم