أوامره و تعليماته لي عن حياتنا اجبرتني ان اتركه
من مجهول
تاريخ النشر: 18-09-2016 3 إجابات
يسعد مساكم (أوامره و تعليماته لي عن حياتنا اجبرتني ان اتركه )قضيتي كتير بلشت تشغلني وتخوفني وبقدرش أنام منها انا بنت متفوقه بدراستي وقبل 13سنه انصبت بمرض بالأعصاب تطلب مني عزله لمدة ستة شهور ولا أشوف الضوء ممنوع اقراء وممنوع احكي مع حدا وممنوع حدا يشوفني وممنوع عني حتى الضو ومن هداك الوقت لهلا لساني عايشه بهديك المرحله وصابغه تأثيرها علي فأنا اغلب الوقت لحالي بتأتأ بالحكي كتير لانه معنديش صديقات وبعرفش ارد ع حدا لانه بحياتي الجامعيه من البيت للجامعه للمكتبه وهكذا... ومن سنتين تعرفت ع شاب غيرلي حياتي وطلعني من جو الكآبه واليأس وانتظاري للأسوء دائما وتمني الموت وانه حياتي بلا هدف ... هو خلاني شوف جانب أنا ما كانت شايفته فحالي ... خبرت اهلي عنه بناء ع طلبه المتكرر ونحن راح نلتقي ببعض لانه مابعرفني كشكلا واحاديثنا كتابيه فقط ... المهم انا لما دخلت هاي العلاقه ما كنت مفكره راح اوصل لهاي الدرجه ارتباط وعائله ... وحتى انني الى الأن لا اتصور ان لهذه العلاقه مستقبل ... لانه مافي تكافئ اكاديمي والخوف من انه والدي لا يقبل به كزوج لالي هاد واحد ... اثنين انا حاليا بعتبر حالي انولدت جديد لانه كنت حاصره حالي بعالم خاص في فيه كل شي ناقصني فأنا بشوف حالي ضعيفة الشخصيه ومش اجتماعيه ومش راح كون قادره اني اسعده بحياته ومو حابه يكونوا ولادي هيك وبدي وقت لطور حالي وفي شغلات كثير لازم اشتغل عليهم ... ثلاث كأي شريكين بخططوا للمستقبل اتفقنا ع قوانين البيت ... بالأول عودني على انه السيطره لالي ولما دخلنا بالجد بلش فيي بالأوامر والتعليمات بدك تشتغلي مع امي ولباس طويل ... ونسكن عند والدته ... ومش راح نزور اهلك كثير ... واذا صار بيناتنا مشاكل ماحدا يتدخل ونتناقش وكل يلي بهمه انه يتواصل معي انا وبس بعيدا عن العالم وكثير أوامر ... ومافي زيارة أقارب ولا طلعات ولاشي ... ولا احكيله انا متعلمه وهو لا ولا اتفلسف عليه ...واذا نطلع مع بعض ولا تحكيلي هيك ولا هيك ... وأنا والدي عيشني بوضع اطلب تجد وبعد هاي الأوامر والتعليمات صرت خاف انه تتولد بيناتنا مشاكل كثير ... ولما شفت هيك الوضع حكتله لازم نترك وكثير ... لانه مكانش ببالي نوصل لهون ... وبنفس الوقت مكنتش بتسلى ... لكن حكالي مش راح يسمح لحد يرتبط في وانه لو خطيفه راح نرتبط ... شو الحل
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده يا ابنتي انت تخرجين من عزلة اجتماعية وتسعين لتطوير نفسك لتتورطي مع رجل يحبسك حبس اجباري وليس بسبب المرض مثل المرة الأولى.انت الان بحاجة لتقوية شخصيتك اعجبني ما قلت عن هذا الامر، انت واعية وتدركين أهمية تطوير ذاتك لتعرفي كيف تربين اولاد وتعيشي بسعادةلم يعجبني وابل الاوامر وكانه يسيطر عليك ويملكك من الانانت حتما ستكونين زوجة محترمة ومطيعة ولكن لن تكوني سجينته.لذا لا تفكري كثيرا بالأمر وتجاهلي اتصالاته ولا تتحدثي عنه كثيرا، حيث لم يحدث بينكما اي ارتباط رسمي بعد، ويحق لك الرفض، ولكن لا ترفضي بعناد وتتحديه، لانه سيزيد تمسكك به، قرري انهاء تعليمك والعمل قليلا لتطوير نفسك، وبعد ذلك يخلق الله ما لا نعلم وتتطور الامور ان شاء وستكون لمصلحتكركزي على نفسك انت في غنى عن هذه الامور الان.وفقك الله من مجهول الله يسامحك على اللي عملتيه في حالك..لكن لا تستسلمي واحكي لاهلك حتى لو لاموكي او عزروكي لانه المهم بعدها بوقفوا معك ضده وما رح يسمحوا لواحد سفيه يتعرض لبنتهم ..هاد انسان مقرف لو بتأتئي طول عمرك و ما الك صاحبات ما تسمحي لنفسك يكون هاد النوع هو نهايتك معه..ما يغرك ما في اشي اسمه صحبة هالايام ..كلها مصالح لكن لما ما اتعيشي حياة اجتماعية بيتهيألك انه الصحبة هي كل اشي ..على كلن الناس الوحيدين اللي بحبوا مصلحتك هم اهلك وهم اللي لازم اتصاحبيهم وما تستغني عنهم
من مجهول لمّأ كانت العلاقة بين الرجل والمرأة بالزواج علاقة هي اساس في بناء المجتمع ، ولمّا كان الرجل ليس كالمرأة في الخَلق وما يتبع ذلك من اختلاف في الأفهام والتقدير ونحو ذلك كان لابد وان يُصان هذا الأساس ، وأن يحمى جنابه حتى لا يتصدّع فكان ولابد أن أن يكون له نظام ينتظم به ، فمن حكمة الله تعالى أن جعل الرجل هو القوّام المعلّم للمرأة والأسرة من بعده . شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
احدث اسئلة قضايا اجتماعية
اسئلة من بلدك
احجز استشارة اونلاين
