ماضي خطيبي يقلقني

السلام عليكم انا مهندسه 28 معلش هطول شويه اخدتني الدراسه والشغل ورفضت ناس كتييير وبعدين اشتقت لتكوين بيت اتقدملي واحد محاسب ربنا يعلم كنت بدور علي الاخلاق وافقت عليه وعدني نعمل عمره وفهم اني بحب عمل الخير عرفني انه منتشر في الجمعيات الخيريه وده مممكن يكون صح بعد الخطبه سالته عن علاقاته السابقه قالي انه دخل في علاقتين حرام قبل كده بس تاب من خوفي علي زعله مرضتش اساله عن التفاصيل عشان مجرحهوش وقلت تاب وخلاص وممكن ربنا بعتهولي عشان اقف جانبه وبالفعل كملت وانا نيتي اساعده انه يكفر عن ذنبه بس المشكله انه مكنش حاسس بالذنب ويقولي هما كانوا موافقين انا ما غصبتش حد كان كلامه بيخوفني منه هو فعلا ديه توبه وندم المهم كملت عشان كنت حاسه اني لو سبته ممكن يوحش اكتر كملت ونيتي لربنا في وسط الخطوبه كان بيقع بلسانه سبحان الله من غير ما اسال عن علاقاته واحده كانت زملته وكان هيخطبه غلط معاها سالته طب سبتها ليه عشان غلطت معاك قالي لا هي اصلا عرفت عنها انها كده مع ناس كتيير من عبطي صدقته بس بعد كده عرفت منه ان البنت ديه اتصلت بيه تهزقه لما عرفت انه خطب وهي علي فكره اتجوزت بس انا سالت نفسي البنت ديه مش وحشه زي ما قال لانه لو كده مش هتتاثر بيه بما ان كان فيه غيره وحسيت ان هو اتخلي عنها بعدين سافر هو علي بلد بعد البنت ديه وهناك عرف واحده متجوزه جارته وغلط معاها وعرفت منه ان جوزها كشفهم ورجع عشان كده اترقفت قوي منه لما عرفت كده واترقفت اكتر لما قالي بالصدفه ان معاه هديه منها بيستعملها لحد دلوقتي ولما سالته ليخ ما اتخلصتش منها قالي عادي ما انا صرفت عليها كتيير ساعتها اتصدمت فين التوبه اللي المفروض تخليه يسيب اي حاجه تفكره بذنبه المهم كمان كنت لما اخرج معاه يبص علي البنات بس مكنتش قادره احكم ده عادي ولا انا اللي مكبره المهم كمان كان بيستبيح حاجات في شغله شايفه انها حرام نبهته كذا مره وكان دايما يقولي الكل بيعمل كده المهم اختلفنا علي شيء بسيط قبل الفرح وحسيت اني لازم اسيبه المهم جالي واتحايل عليا وعلي عيلتي وقالي اكتبلك اللي انت عايزاه ومش هعمل حاجه حرام تاني بس انا عارفه ومتاكده من حبه ليا بس خايفه يتغير لان الحب بيموت مهما رويناه بعد الجواز وبعدين هو هيستقيم عشام بيحبني مش عشان شايف ان ده الصح لسه بيحاول يرجع لحد دلوقتي بس انا خايفه منه بجد كل اللي انا بساله هو اني حاسه بالذنب عشان نيته للتغييير ممكن تكون صادقه بس بجد مش قادره كتييير بقعد اعيط لربنا وادعيله ربنا يهديه ويرزقه الزوجه الصالحه هل انا غلطانه في حقه .غلطانه عشان فضلت فتره مش مبينه له اني مضايقه منه وكان فاهم اني سامحته واتعلق بيا بس انا كنت بحاول ومقدرتشلت