أهل خطيبي لا يسألون عني ماذا افعل

السلام عليكم ورحمة الله وبركاته أهل خطيبي لا يسألون عني ماذا افعل انا مخطوبه من سنتين وداخلين علي ال 3 سنين مشكلتي ان اهل خطيبي مش بيكلموني خالص وحماتي عملالي بلوك وانا معملتش حاجه بالله كنت بتصل اطمن عليها بس وفي مره رنيت من رقمي الجديد فتحت اول ما سمعت الصوت قفلت علي طول واتكلمت معاها لما شوفتها قالتلي عادي انا بعمل كده حتي لعيالي قلت لها تمام ومتكلمتش

لما اهلي بيكلموا اهل خطيبي علشان العزومات في رمضان وكده مش بييجوا و اهلي كل مره بيزعلوا ولما يعزموني بيقولو لبابا انهم عايزني اروح انا بس يعني انا اللي اروح انتو متجوش هو دا طبيعي ولا ايه ومخطوبين بقالنا سنتين ومجوش غير مرتين يوم الخطوبه ويوم العيد اللي بعد الخطوبه بس وحتي جه فرح اخويا وكان خطيبي في الجيش هما مجوش خالص وحسيت اهلي مكسورين كل محد يسالهم فين اهل خطيب بنتك فانا مش عارفه اعمل ايه بس خطيبي كويس معايا وبيعاملني حلو فممكن حل مش عارفه اعمل ايه بجد