طليقي يهددني بنشر صوري عارية.. أنا مرعوبة

انا انسانة مطلقة عندى ٣٠ سنة ،طليقى كان بيضربنى ويعذبنى ويشتمنى ويغلط فى اهلى ،عشت معاه حياه سوداء،الحمد لله لم انجب منه لان فترة الزواج كانت شهر واحد ،و كان كل خلاف بيننا يهددنى انه هيطلقنى ويسوء سمعتى ويقول عليا بالكذب انه هيقول انه شافنى بخونه بالبيت مع واحد غيره وهيعملى محضر زنا ، وبيهددنى انه هينشر لى صور عارية ويقول عنى انى واحدة مش كويسة،مع العلم انى مشهورة بسمعتى الطيبة واخلاقى العالية وسط كل الناس واهلى وزمايل عملى .المهم كان يعصب ويزعق ويهدد ويشتم كل الشتايم اللى فى الدنيا وبعدين يهدا وخلاص عايزنى اعيش ولا كانى فى حاجة حصلت ومن غير اعتذار ولا اى حاجة، وبعد ايام يعصب ويعمل كدة تانى شتايم وضرب صعب جدا وبعدين ولا كان فى حاجة،طيب يا ناس ازاى اعيش معاه مرتاحة البال وانا حاسة ان فى اى وقت هيضربنى وممكن يرمينى ويطلقنى،بطلت احس معاه بامان ،روحت لاهلى وطلقونى منه بعد ما عرفو حقيقته اللى خبيتها عنهم علشان عمرى ما اشتكيته.انا دلوقتى خايفة بعد الطلاق انه ينشرلى صور عارية او يقول عنى كلام سئ فى حق شرفى وسمعتى زى ما كان بيقول.خايفة ان الناس تصدق كلامه .ساعدونى اعمل ايه هل هو هيعمل كدة فعلا ولا هو كان بيهددنى بس. ارجوكم ريحونى.