أشعر بالفرق بين خطيبتي وحبيبتي

ااخ اااخ ااخلما دموع الرجل تنزل اعرفوا انه همه ما بتحملوا جبال ..كتبت قصتي من همي وبدي اوصللكم عبرة شباب وبنات .. وبعتذر اذا رح اطول انا عمري 35القصة اني كنت احب وحدة وضليت معها 5 سنين بعدين تركنا بسبب مشاكل ..فبعد شهرين من ترك حبيبتي الي .. قررت انساها و اخطب واستقر وكان عمري وقتها 28 سنة وامي دورتلي ع بنت وخطبت بنت عمرها 19 والصراحة كانت بنت ناس بمعنى الكلمة .. كانت تبوس ع ايد امي وابوي كلما ما يزوروها او تروح عندهم وما تنادي ابوي و امي الا حبيبتي وحبيبي وكان ابوي يحبها كثير وامي متعلقة فيها وخواتي نفس الاشي كانوا يحبوها لخطيبتي كثير ما بعرف شو السر بس هي طيبة كانت واحسن منها ما في ..طبعا بعد 6 اشهر حبيبتي تواصلت معي وقالتلي ليش تخطب وانا بدي ياك وبحبك وبدي تخطبني وتترك خطيبتك ومن هالحكي والصراحة انا كنت بحنلها كثير ومع انه خطيبتي كانت كويسة بس ما قدرت احب خطيبتي ..فيومها صارحت خطيبتي انه انا كنت احب ومو قادر احبها وانه بدي افسخ وطبعا قلتلها انتي بنت ناس واحسن مني بس مش قادر اكمل معك وسامحتها بالذهب وفسخنا ..لما جينا نفسخ امي وابوي ما رضيو وامي طرتني من البيت وقالتلي من وين بدك تلاقي مثلها .. بس انا ضليت مصر اخد الي كنت احبها وفعلا اصريت وفسخت خطبتي واخدت البنت الي كنت احبها ..مرت الشهور وتزوجنا والصراحة حسيت بالفرق بينها وبين البنت الي خطبتها ..طبعا قرفتني عيشتي نكد وهم ليل نهار كنت اهرب من البيت هروب ..والبنت الي كنت خاطبها تزوجت وعندها ولد وبنت وزوجها بعرفه ودايما بشوف الشباب قديش بحكو عنه انه مبسوط بحياته وانها مهنيته ..اما انا المسخم قرفت عيشتي والي مصبرني انه عندي ولدين ما بدي اخرب عيلة بس قربت اقرفها ومش طايقها ابدا مع اني اخدتها عن حب ..حتى بعدتني عن اهلي واهلي بكرهوهها ..اااخ اااخ بس الي بقلبي انه انا كل يوم براقب ايميل البنت الي كنت خاطبها وبشوف كيف مبسوطة مع زوجها وبشوف صور ولادها وبتمنى لو انهم ولادي ولو انا مكان زوجها بكون رح افقع من الهم ...بتمنى لو يرجع في الزمن وما اترك خطيبي .. دايما بتذكر دموعها يوم فسخنا ويوم كنا في المحكمة كيف كانت تطلع علي وعيونها دموع وتحكيلي انا بحبك لا تتركني ..مع اني اخدت البنت الي بحبها بس بتندم كثير ..لانه بتذكر كيف اهلي كانوا مبسوطين مع هديك البنت اكثر .. كيف كانوا ابوي وامي يحبوها .. بتذكر ابتسامتها وحنيتها علي .. بتذكر كلامها وانه عمرها ما جرحتني بكلمة ..بتذكر كيف كانت تعمل المستحيل لترضيني وكيف كانت تمسحلي دموعي .. كيف كانت احن منها ما في دايما الكلمة الحلوة ع لسانها ودايما مهتمة في هلا حسيت بقيمتها وحسيت اني بحنلها ولحنيتها .. اااااخنفسي ابكي وتكون هي الي تخفف عني ع قد ما كانت حنونة علي .. اخ بس عنجد حاس حالي بدي افقع من جوا زوجتي بكرهها منكدة علي ومنكدة ع اهلي وليل نهار ضرب باولادي ..يارريت لو الوقت يرجع والندم ينفع ..اااااخ بس فضفضة نصيحة لما ربنا يعطيك هدية من عنده لا تخلي الحب يعميك .. اختار صح لانه الزواح حياة مو لعبة ولاد صغار