زوجي قهرني وكسرني

السلام عليكم انا تزوجت زوجى من 16 سنه هو كان بيحبنى بشدة وعمل المستحيل عشان اوافق بيه كان اهله ما موافقين على الزواج ولكنه تحدى الجميع حتى ان اخوانه ووالديه لم يحضرو الزواج هو قريبى بعد الزواج تعسرنا قليلا من ناحية الامور الماديه ووقفت الى جانبه وبعت دهبى له ولم اتخلى عنه حتى سافر الى بلد عربى وهنا بدأ يشترك هو واخواته فى العمل معا وبدأت علاقتى بأخوانه وامه تتصلح واصبح بيننا زيارات وسارت الامور على هذا الحال وربنا يسر بالرزق الحلال ولكن بدأ الفلوس تذهب لامه واخواته فقط وبعدين صار لازم نعيش معاهم فى نفس البيت وهما فى بلد اخر اقنعنى انه بينزل اجازة وعاوز يقضيها معانا جميعا مجتمعين وانا لم ارفض واعتبرت هذا الشئ من اعانته على بره بوالديه واجهتنى الكثير من المشاكل مع امه وحريم اخوانه وتفضيل امه لزوجة اخوه عنى لأنى طبعا من الاول كان غير مرغوب فى وحاولت معاها المستحيلات حتى بدات ترضى عنى والحمد لله علاقتى بيها اصبحت احسن لكن الان هما المتحكمين فى كل شؤن حياتى وكل شغل زوجى اصبح مع اخوانه وهما اللى متحكمين فى كل شئ مع العلم هو الكبير وهو اللى اسس الشغل وكبره وعانيت كثيرا فى بداية شغله وتركنى اول مرة وسافر سنتين ونصف وتحملت معه الكثير الذى لا يوصف ولكن جزائى فى الاخر ان هما يتحكمو فى كل امورى حتى مصروف اولادى وكيف اتكلم وكل شئ حتى بينه وبينه ومشاكل مع اخواتى وان اخواتى ميدخلوش بيتى وحتى دهبى اللى بيهته له من 16 سنه حتى الان ما راضى يجيبه واذا تكلمت فى اى شئ يفضلهم عنى وينصرهم على حتى صار يمد ايه على اذا واجهتهم بأى خطأ عملوه معى يعنى من الاخر بيعاملنى انى خدامه ليه ولاخواته ولحريم اخواته وممنوع انى ارد على اى غلط يغلطوه معى حتى كسرنى وقهرنى وبدأ هذا الشئ ينعكس على اولادى اللى كانو متفوقين جدا فى التعليم والتربيه ماشاء الله عليهم ودى احد اسباب كره اخواته لى ان دائما كل الناس تشكر فيى وفى تربيتى لاولادى حتى والله من كتر القهر اللى اعيش فيه ضغطى صار عالى على طول والان انا خايفه اذا بيصير لى اى شئ على اولادى وعاوزة اسيبه هو لاخواته واهرب انا واولادى من الجحيم ده قلتله يطلقنى ويسيبنى فى حالى ويبعت بس لاولاده مصاريف مع العلم هو متمسك بى لكن عاوزنى اعيش بالطريقه دى انى اسمع كلام اخواته واراضيهم فى كل شئ حتى لو على حساب نفسى واولادى وهما اقسم بالله مش كويسين لو هما كويسين انا عمرى ما هشتكى منهم انما هما ربنا يصلح حالهم دلونى على الحل اصمم علىةالطلاق لان هو يفضل انه يطلقنى عن انه يسيب اخواته لانهم هما دلوقت اللى معاهم الشغل وكل شئ هو عمله سلمه لهم وانا تعبت ومش قادرة استحمل الوضع ده وخايفه افضل معاه ولادى بيتدمرو كل يوم اكتر من اليوم اللى قبله وخايفه اسيبه الولاد يلومونى ويزعلو عليه