لماذا لم أرزق بأم كباقي الأمهات؟

ليه يا امى ليه بتعمل كدة هو انا ليه ربنا مرزقنيش بام اقدر احضنها وابوسها وتحميلها على مشاكل وتكون زى صاحبتى وتحسسنى انها بتحبنى ليه دايما بتتحسسنى انها مش بتحبنى وبتعاملنى وحش وبتحب اخواتى اكتر منى رغم انهم بيعاملوها وحش ليه بتوصلينى لمرحلة انى بجد اكرهك واشتمك واعايرك انك ام فاشلة وبناتك بيكرهوكى ليه انتى دائما عصبية مش فهمانى ولا بتحاول تفهمينى كل حاجة بعصبية ليه دايما بكون مخنوقة من البيت بسببك ومش قادرة استكمل أنى اعيش ليه تودينى انا واخواتي على الخصام لما نتخانق بدل ما تصلحى بينا تقولى اتخاصموا عشان دماغى ترتاح ليه لما اجا اشتكيلك منهم تقولي ماليش دعوة ولو هما اشتكيلك منى بتزعقيلى ومش بتخلينى طايقة نفسى ولا حتى قادرة احبك ليه يا امى لو مسكت ايدك فى الشارع بتزعقيلى ليه لو طلبت منك اخرج مع اصحابك ترفضى وتعملى مشكلة ليه كل ده ليه بتخلينى احس انك بتفرقى بينى وبين اخواتى ليه مخليانى اعيط دلوقتى ومش قادرة اذاكر ولا اعمل اى حاجة ليه يا امى انتى كدة هو يعنى عشان اخواتى كبروا ويقدروا يسيبوا البيت او لانهم ربوكى وخلوكى متقدريش تزعقى معاهم بقيتى تخافى منهم بس انا اولع فى ستين داهيه ليه يا اخى كل ما اقرر مزعلكيش واعايرك احسن معامله بتخلينى احس انك مش امى ليه يا امى حرام عليكى ليه كدة بس ليه؟؟؟