إذا علموا بمرضي سيتركوني

السلام عليكم، أنا فتاة في السابعة والعشرين من عمري متعلمة واعمل معلمة بفضل الله، ملتزمة ولله الحمد والمنة، اجتماعية ومحبوبة وحلوة وذكية، ولكن معي مرض شحنات كهربائية، ولكنه بفضل الله غير ظاهرة لأحد، فقط اهلي من يعلمون،يتقدم لي الكثير ويأتي الشاب واجلس معه بوجود أخوتي، وبرجعوا بدهم ييجوا وانو عجبهم الوضع، فتاني زيارة بحكي للعريس انو انا معي مرض بس لا يؤثر عالزواج بشيء، واستفسر وشاور حالك وإذا صار نصيب يضل الموضوع بينا بدون حتى اهله ما يعرفوا. وإذا ما صار نصيب انو نتً مستأمن ما يجيب سيرة لحدا، طبعا المرض مو عيب بس إذا بليتم فاستتروا، واحنا سألنا شيوخ حكوا لو بدكم تخبوا عادي لإنو المرض لا يضر بالزواج، ولا بالزوج ولا بالخلفة، هذا من ناحية دينية، واستشرنا دكتورين كان رأيهم خبوا عن العريس، لإنو اي حد بعرف مجرد اسم المرض رح يحكيلك شو جابرني آخد وحدة مريضة خصوصا انو اغلب اللي بتقدمولي على خلق ودين ومال وجمال، فما برجعوا، وبتقدملي احيانا عرسان اني اكون زوجة ثانية لسبب او لآخر، فهل أقبل بزوجة ثانية نظرا انو فيي مرض واتنازل عن شيء، ولا أخبي مرضي عن العريس واذا تيسرت اموري وتزوجت يعرف وساعتها رح يكون متعلق فيي وعارف اني فهمانة فكركم رح يوخد الامر ببساطة؟!! انا متحيرة، الدين والعلم والشرع بحكوا لا حرج اذا خبيتو. بس الناس وطبيعتها بتختلف حتى أهلي منقسمين اشي بحكي هاي تقرير مصير ونخبي عشان أتزوج وما يفوتني القطار، واشي بحكي لازم نحكي للعريس، وانا لحد الآن بحكي لأي حد برجع وبس يعرف ما برجع، طبعا مع العلم انر مرضي أخف درجة فقط ملتزمة بدواء وما بصير تشنجات ولا شيء بفضل الله، السؤال جاوبوني بصراحة دون تحرج وعواطف، لو انت تقدمت لفتاة وعرفت عنها هيك بترجع؟؟ ولو خبت وبعدها عرفت ممكن تعصب وطلق؟ والبنات شو رأيكم لو انتوا محلي لا سمح الله، وللمعلومات في كتير تزوجوا وخبوا ومرضهم متطور، وفي حالات سمعنا عنها وقرأت في النت انو الزواج قد يكون سبب شفاء للبنت اللي معها الشحنات نظراً للاستقرار من جميع النواحي وغيرها من الأسباب، انا ًاعمل معلمة، ويتقدم لي عرسان ولا يرجعون شوروا علي، والشباب لو تزوجتوا وتخبى عليكم شو موقفكم؟؟!! أفيدوني جميعكم رجاء، طبعا انا مؤمنة بقدر رب العالمين وكلو لخير والحمد لله على كل شيء، ما بعرف شو مكتوبلي بس ربنا رحيم ودود بعباده