كيف أتعايش مع إهانة أبي وتغير زوجي؟

ممكن حد مختص يتابع معايا أناكنت برفض عرسان كتير ماكنش بيحصل قبول لمعظمهم أو اهلي بيرفضو المهم ماكنش بيحصل نصيب كان عندي 24سنه وحده صحبتي جابتلي عريس اخو زوجها وكان في اجازه ومسافر بعد يومين تمت قراية الفاتحه بسرعه عشان سفره من غير ما اعرف اي حاجه عن حياته الشخصيه وهو كان سال عني وعرف عني اني ماليش اي علاقات وتأكد من كده بعد الفاتحه شفت صورة بنت عنده ع التلفون كنت اعرفها وقال انهم كانو صحاب بس وهي بتحب واحد تاني ومسح كل الصور وارقامها وقال أنا بعد الخطوبه مش هعرف اي بنات أنا كنت تايهه قالولي ده ماضي وانتى تحاسيبه من يوم ماخطبك وبعدين عرفت ان مرات أخوه كانت قيلاله على وحده صاحبتها قبلي وكلمها فتره وحبها وأهلها رفضوه الموضوع ده كان جارحني وأنه كان علاقات كتير ببنات هو كان مهتم بيا جدا في الخطوبه بيحاول ما يخلنيش افكر كتير وافركش الخطوبه البنت اللي كانو بيقول صحاب بس كلمته مره واحنا مخطوبين ورد عليها بكلمتين المهم انا عرفت وقررت أنهى الخطوبه بس تفاجئت من ردة فعل اهلي ابي ضربني على الطريق وفي ناس شافوني واغمي عليا فضل يضربني برجليه وفضلت كام يوم في اوضتي محدش من اهلي كان بيسال عليا ابي اعتذرلي بعدها وقالي لوعيزه تفركشي عادى بس انا كان نفسيتي منهاره وارجعت لخطيبي كان واعدني أنه هيخليني أسعد وحده وهينسيني أنه في يوم زعلني وتزوجنا وطريقته تغيرت واهتمامه كله راح ولما افكره بكلامه في الخطوبه يقولي كله بيكدب في الخطوبه وانسى الخطوبه دي خالص وبيعاملني بإهمالأنا حاليا موضوع البنت اللي مرآة أخوه قالت له عليها قبلي وفضل يكلمها فتره وأهلها رفضوه الموضوع . جارحني وبقول ال ايه خلاني أرضى بيه وموضوع أبي ضربني على الطريق قدام الناس مش قادره انساه وبقيت مش قادره أتعامل مع الناس ومكسوره قدامهم حتى حاليا ابي يهيني قدام أخواتي بكلام منتهى الاهانه حتى بعد زواجي ياريت حد مختص يتابع معايا ويقولي اتصرف ازاي واعيش ازاي ومن غير تجريح لو سمحتو