أمي سجنت...

أنا بنت عمري 33 سنة ما تزوجت لهلأ ويبدو إني عمري ما رح أتزوج طالما رح تضل الناس تعايرني بسجن أمي ورح يضل هاد الذنب الي هو مش ذنبنا ملاحقنا وحبل على رقبتنا ...أمي انحبست من 5 سنين بسبب قضية شيكات وديون.. بعد وفاة والدي أمي اضطرت إنها تشيل همنا أنا واخواني بس الحمل ما كان سهل عليها كنا كل ما نكبر همومنا ومصاريفنا تكبر لحد ما تراكم عليها أجار البيت وما كانت قادرة تسدد الديون الي عليها والي استدانتها بالأساس مشان نكمل أنا وأخواني دراستنا .. تقدملي أكثر من شخص وكل ما كانوا يعرفوا إنه امي كانت مسجونة كانوا يتركوني عدا عن نظرات أهل الحارة والعائلة لالنا ولأمنا لدرجة صرنا شاكين انه احنا مذنبين وغلطانين.. شو اعمل كيف اقنع الناس انه امي انسانة شريفة دخلت السجن لانها ما لقت حدا يوقف جمبها بعد وفاة والدي .. كيف افهم الناس انه ظروفنا مش احنا الي بنختارها كيف اقنعهم انه من حقي اعيش زي اي بنت اتزوج وابدأ حياة سعيدة شو اعمل.. انا بدأت اكره أمي الي ضحت باحلى سنين حياتها علشاننا .. بدأت اكرهها بسبب عدم تقبل الناس الها شو اعمل كيف اتصرف؟