تزوجنا بقراءة الفاتحة فقط ويرفض كتابة عقد شرعي بيننا

محتاجة للنصيحة وبدون تجريح من فضلكمانا بنت من بلد عربي واشتغل بتونسمن كم عام كنت إجازة في بلدي تعرفت على شاب من دولة عربية كان جاي سياحة على بلديتعلقنا ببعض في فترة قصيرة حكالي يشتغل محاسب في شركة أبوه و حكالي عمره من نفس عمري عشنا أيام مثل الخيال من اهتمام و فسح و دلع و كرم بعد بكم أسبوع رجع لبلدو وعدني يرجع بعد أسبوعين و الأسبوعين صارو شهر كل يوم عذر جديد لما حكيتو لازم ارجع على شغلي بعد أسبوع صار يترجاني استنى لحتى يجي يشوفني وصار كل يوم كذبة جديدة مرة بعثلي صورة تذكرة الطائرة قال شو هاي مشان يجيني و حددت التاريخ تبع الرحلة بعد أسبوعين وانا لازم ارجع لشغلي الصراحة فكرت اتصل بالشغل وامدد الإجازة بأي عذر حتى ولو تكون إجازة بدون رصيد بس سبحان الله قبل موعد سفري شفت صورة تذكرة السفر يلي بعثلي ياها وانصدمت لما شفت التاريخ قديم من عام تقريبا وحتى البلد مو لبلدي يعني ارسلي صورة تذكرة قديمة سافر فيها قبل بسنة لغير دولةقررت أسافر على شغلي وحكيت معو تخانقت معو بس الأدهى كان مصر على أن التذكرة لبلدي بالتاريخ يلي حكاه عم يستغباني شهرين ماحكينا رجعت لشغلي مجروحة من الصدمة كيف يستغباني بالغباء ولك عم شوف بعيوني التاريخ وهو عم يصر على الكذببعد بشهرين حكاني و رجع عم يتصل كتير مرات باليوم وعم يعتذر رجعنا نحكي في يوم شفت عالفيسبوك عم يحكي بالتعليقات هو وبنت وعم يتغزل فيها و عم يوعدها بالزواجثرت سالتو رجع عم يستغباني يحكي مو صحيح مافي منو الموضوع المهمن تركتو و عملت له بلوك بكل شيبعد أربع أعوام غيرت حساب الفيسبوك تبعي و دورت عليه مشان أسأل عن اخبارو وبسصديقة وبسبلش عم يحكيني كل يوم وعم يتصل ويعتذر و يتغزل فيني وقال ندم و لساتو يحبني انا ما حكيتلو شي قلت له نحنا بس أصدقاء وبس بعد شهر عم ينزل منشورات هو وبنت و يتبادلون التعليقات وحب وغرام و وعود زواج رحت تحت التعليقات تبعهم و علقت له بعتلي رسالة انتي ماتركتي مجال نرجع ونحنا بس أصدقاءقلت له اوكي ربي يسعدكبعد بعامرجع يتصل فيني بالأول أصدقاء بعدين صرنا نحكي كل يوم بعدين كل ساعة على هالحال لمدة 6 أشهر رجعت تعلقت فيه فتح الكاميرا و حلف عالمصحف يحبني وماعم يتسلى فيني وماراح يتركني ونعم على كل يلي صارصدقتهو في هالوقت سافر يشتغل بدولة أوروبيةطلب مني أسافر عندو لأن مافيه يزورني مشان تعقيدات الفيزابعد تردد سافرت عندو عرض عليا الزواج فرحت و وافقتقالي اعطيني ايدك مسك أيدي قال قولي زوجتك نفسي على سنة الله ورسوله قلت هيكون قال هو قبلت و قرأ الفاتحة قال خلاص صوتي زوجتيانصدمت شو هاد فين الشيخ فين الشهود فين ولي أمر البنت مشان الزواج يكون قائم مسك المصحف وحلف عليه انا زوجتو و عرضو و شرفو و هاد زواج صحيحبما أنوانا مااعرف شي عن مذهبو و زيادة حلف عالمصحف صدقت صرت زوجتوطلبت نروحو للشيخ نوثق الزواج وعدني راح يصير هيككل يوم يجيب عذر جديد كل يوم كذبة جديدةمرة قال شو مافي جامع قريب مسكت الموبايل وشفت في مساجد قريبة من المكان يلي نحنا فيه قال اوكي يلا نروح لأقرب مسجد أخذني مشي نروحو من طريق و نرجعو من التاني كسر رجولي من المشي بالاخير قال تعبت يلا نرجع للاوتيل تاني يوم قلت له نروحو للشيخ قال اوكي واخذني اكلنا فلافل و قالي مانحنا رحنا اكلنا الأكلة يلي تحبيها يعني ذنبي انا عم لبيلك طلباتك!!!!!تعبت من الموضوع آخر شي وعدني قبل ماتنتهي إجازتي نروحو للشيخانتقلنا على بيت شهرين على هالحال كل يوم عذر جديد نتخانق يصير يكسر أغراض البيت و كل الجيران تسمع صراخه نتخانق يحاول يخنقني بعدين يقولي عم امزح معكحاولت اهرب ماتركني اطلع من البيت من دونهفي مرة كان نايم و حاولت اهرب صحى و صار يلاحقني و مسكني وصار يحضني أخذت جواز السفر تبعي بدون علمي وخبأه في علبة غسول التيابكل يوم خناقة كل يوم إهانات اكتشفت كذب عليا بالعمر تبعو طلع أصغر منيكذب علي بتحصيلو الدراسي ولما واجهتو قال درس للبكالوريا بس مااعتقد أظن مستواه متوسط لأن في كتير أشياء ظمأ برنامج تدريس الثانوية هو مايعرفهاحكالي راح يكمل دراسة بالجامعة صار عم يهيني انتي غبية شايفة حالكعم يحس بالنقص لاني جامعية و معي ماجيستير و دكتوراه و خلصت دكتوراه الدولةلما اسألوا ليش ماتهتم بالدراسة ليش ماتدرس لغة ليش ما تخلص دراسة يصير يقول كيف انا مااهتم بالدراسة ولك انا لما كنت ببلدي كنت أقرأ قصص كبيرة و يصير يحكي عن حالوسالتو نحنا متزوجين كيف مو لابسة دبلةأخذني لتبع الذهب أربع مرات نروح للسوق و اختار الدبلة بعدين يقول لا غالية و يشلحني ياهايصرف بالألف يورو بس دبلة ب200 يورو غالية في مرة تخانقنا بالشارع حاول يضربني و حط ايديه على فمي و سكرلي ياه و عم يجرني مثل الورقة بايدو والعالم عم تتفرجحاول يمزق بسبوري لما قربت رجعتي لبلدي قلت له امتى نروح لعند الشيخ مشان توثيق العقد قال لي آخر يوم قبل موعد السفر نروحاجى آخر يوم الصبح قال نروحو المساءالمساء قال بالليلبالليل قال بكرا الصبح قبل الطيارة و بالمطار قال حتى بالتلفون فينا نكتب العقد!!!!رجعت مو فهمانة حاليلما تحب انسان تصير بدك تصدق حكيو حتى ولو تغمض عيونكلما صرنا نتخانق صرت اسب عليه و كل أنواع الشتائم سمعتو ياهم من القهراول مارجعت لشغلي تخانقنا واحتد الخناق قلت له انت تقول تزوجتني خلاص طلقني ماعاد بدي انسان مااصدق حكيو مااصدق كلامو انسان يحكي كتير ويفعل قليل انسان ماعم حس بالأمان جنبو ضحك وقال انتي ماتحسي بالأمان جنبي؟! لو كنتي ماتحسي بالأمان ماكنتي اجيتي عندي ولك انا امانك و سندك بس هلا عندي مشاكل مافيني أوثق زواجنا اول ما احل المشاكل راح نوثق العقديلا امتى احجز لك مشان تجيني مشتاقلك بعد شهر حلو!!!!!!انصدمت من الأسلوب ولك انا نار جواتي منكسرة من وراه حرقة بقلبي وهو عم يستهتر بعد خناق كتير و إهانات من الطرفين و سب و شتائم قالي عندك حرية تطليق نفسك طلقت نفسي منه.اسألتي ليش انا هيك؟ أصدق كلامو واكذب عيوني انقهر من كذبوا وارجع اصدقو؟ تعبت انهرت حاسة حالي تدمرت ماعاد عندي ثقة في ولا زلمة ليش في ناس عندها هالقدرة من الكذب؟كيف يحلف عالمصحف و هو مو صادق كيف؟!يلي كان بيناتنا زواج ولا لا؟!تعبت والله اسفة على الإطالة بس والله انقهرت مشان الله بلا تجريح يلي فيني مكفيني