ضربني وحرمني من طفلي وأراد أن يدخلني السجن

السلام عليكم ورحمة الله وبركاته انا فتاة عمري 18 سنه متزوجه ولي سنه متزوجه زوجي عمره 28 سنه انا احب زوجي وعمري ماقصرت معه بشي اي شي يطلبه اسويه في كل شي وكانت امه تتدخل في حياتنا انجبت منه ولد وكانت امه دايمن تتدخل بملابس طفلي واكله وكل حاجه اسويها وكنت اتحمل عشان زوجي بس للاسف زوجي كان مع امه بكل حاجه وكم مرا نتضارب انا وياه كم يوم ونرجع لبعض الا هذي المره تضاربنا وطنشني المشكله هو الغلطان مو انا لو انا الغلطانه كان تأسفت بقولكم السالفه وابي الحل الله يجزاكم خير المهم بقولكم السالفه دق علي وقال لي سوي العشاء قلت حاضر وكنت اسوي العشاء جاء وهو معصب وكان طفلي عمره ٨شهور يلعب وناداني وقال شيلي الطفل وحطيه عندك بالمطبخ قلت له ماقدر عشان الطفل حركته كثيره وكنت خايفه عليه من النار قام يهددني اذا ماشلتي الطفل برمي عليك قرورة الحليب قزاز حقت طفلي انا توقعته يعني بس كلام ولاكنه رماني والحمدالله ماجاني شي انا من الزعل قلت بروح اشيل اغراضي واروح ل اهلي قام ومسكني ودزني على المطبخ طحت وكانت السكينه على الطاوله وطاحت جنبي عشاني صقعت فيها قمت من مكاني ابكي وشلت السكينه على اساس ارجعها واروح اتفاهم معه كان واقف وكانت بيدي السكينه وكان بيده طفلي ف علطول فكر اني جايه اذبحه رميت السكينه وقعدت ابكي واقوله لا تأخذ طفلي ترك الطفل على ارض وضربني وضربني لين انشقت طبلة اذني من الضرب المهم راح دق على امه وابوه يجون يتفاهمون معي انا امه دخلت علي ماتهدي الوضع جت تزيد المشكله تقعد تقول لي ااوووص اسكتي الصراخ ماينفع وانا ابكي واقولها ي خاله ولدك ضربني خالي الي هو ابو زوجي ويقول عاد هذا انا اضرب خالتك كل يوم انا خفت وانفجعت قلت ذولي بدال مايعلمون والادهم الي هو زوجي الادب قعدين يشيخونه علي المهم دقيت على امي تجي تأخذني قام يوم شاف اهلي جوو دق على الشرطه النذل يبي يدخلني السجن عشان شلت السكينه وابوه الي هو ابو زوجي اخذ السكينه ان عليها بصماتي يقول لهم اني بغيت اذبح رجلي وولدي حسبي الله عليه وانا اقول ل امي اني شلتها وحطيتها عشانها طاحت والي هو رجلي ماتكلم ولا حرف ابوه الي يحكي بس يقول اسجنوها وشوي يقول طلقها هذي مجنونه ومدري ايش المهم اخذو طفلي مني والى الان مارجعوه لي ١٥ يوم ماشفت ولدي حسبي الله عليهم رحت لتحقيق العام والحمدالله كانو معي ولكن احكي مع رجلي اقول جيب طفلي ابي اشوفه يقول بينا محاكم ضربني وحرمني من طفلي وبغى يدخلني السجن ودخل اخواني فسالفه يقول ان مهددينه بالقتل حسبي الله ونعم الوكيل هذا اخرت حبي له خساره واحسني كرهته ولكن فيني شعور الي ابيه مدري شسوي سوا كل هذا فيني واحسني ابي اسامحه تكفون ابي الحل ايش اسوي مع انسان زي كذا !!