هل خطيبي يراني رخيصة؟

انا فتاة مخطوبة منذ سنة ونص وباقى على زواجى شهر خطيبى انسان محترم جداا وحافظ القران ومتدين وكل الناس بتحلف بادبه ومواظب على الصلاة فى المسجد ودا اللى خلانى وافقت عليه من الاول لكن من فترة وهو بيقول تلميحات غريبة وكلام مكنش بيقوله هو مش كتير بس ساعات بيقعد يقول - عفوا فى الكلام - اكيد لما نتجوز مش هاتقوليلى لا ولا عيب ولازم تتعلمى حجات قبل ما نتجوز زى الرقص مثلا انا اتضايقت جدااا منه وحسيت انه مبقاش بيحترمنى زى الاول او شايفنى رخيصة مثلا او ان هو مش محترم وكان بيمثل دا كله !!!حاسة انى عايزة اسيبه وبقيت اخاف اكلمه وخايفة لان الفرح وكتب الكتاب خلاص فاضله شهر هل ينفع اسيبه مع انى كنت بحبه جداا وكان محترم معايا جداا حتى حاول مرة حاول يمسك ايدى خانقته ومكررهاش واعتذر وقال مكنش قصده هو كان عايز ياخد الحاجة اللى كانت ف ايدى وانا مكنتش راضيه اديهاله انا خايفة جداا يكون كان بيمثل الاحترام وهو مش كدا اعمل ايه ؟