أخاف أن يأخذ خطيبي طباع وأسلوب والده

بعد اذنكوا محتاجة نصيحتكوا ... انا و حد بنحب بعض ومرتبطين بس جينا فى اتفاقات الزواج فى قعدة الاسرتين مع بعض اسلوب والده كان حاد وضايقنى سواء انا او اهلى ... المشكلة مش فى كدة قد ما فينا احنا كتعاملنا مع بعض .. احنا شخصيا اكيد بيحصل بنا مشاكل زى اى حد ... بس انا نفسيا مش مرتاحة ... او مش بحس انى متطمنة بالشكل الى المفروض ابقى مطمنة بيه مع حد بحبه ومختاراه بس دايما كلام والدتى واصحابى اننا لسة مقربناش من بعض اوى واننا كل ما نقرب لبعض التفاهم بنا هيزيد ادام فى حب .... الفكرة ان بعد القعدة دى والاتفاقات المادية والكلام دة احنا مكناش مقتنعين اوى بالكلام او الى قالوه مكنش مناسب لينا ... بس الى مكنش مناسب ليا اكتر هو اسلوب والده ... يعنى حاسة ان دة لو كان حصل باسلوب الطف من كدة مكنتش هبقى متضايقة كدة ... المشكلة دلوقتى فيا انا وفى احساسى انا مبقتش عارفة احكم انا متضايقة من الى حصل ومن اسلوب والده ولا متضايقة اننا اصلا بشكل عام حاسة انى مش مرتاحة الراحة الكاملة ... وكمان خايفة مستقبليا يبقى واخد من عيوب والده الى انا مش هقدر اتعامل معاها ... هو شرينى وبيحبنى وانا بحبه بس انا مرتبكة وبدات فعلا اتوه ومعرفش اعمل ايه اكمل ولا لا ... وخايفة يكون الخوف الزايد هو الى مسيطر عليا ... اعمل ايه ؟ ؟