أحب شاب وتقدم لي آخر مناسب.. موقف محرج وبين ناريْن

السلام عليكم ,انا بنت في بداية العشرين من العمر , خلصت دراسه وتوظفت والحمدلله .. انا احب شخص وهو يحبني وجدا متفاهمين العمر بينا مناسب والبيئه والتفكير وكل شي والله ماتخيل نفسي بدونه وهو نفس الشي , كنا مخططين على تاريخ معين ان يجي يتقدم لي , اللي صار ان تقدم لي شخص ما ينعاب بس بيني وبين 8 سنوات , لكن غير هذا الشي مافيه عيب بالعكس مثقف وولد ناس محترمين وشهادته قويه نفس اللي احبه , اللي صار ان امي فرحانه الخطيب بس قلبي حيل منكسر احس ما ابيه وحبيبي كلم اهله عشان يعجلون الموضوع مارضوا يبيله على الاقل شهر عشان يجون , قلبي يعورني والله ماني عارفه شنو اسوي خايفه ارد الجديد واتحسف وخايفه اقبل فيه واخلي حبيبي واتحسف ولا اتقبله دلوني ارجوكم انا بين نارين