كيف أتصرف مع أخي وأبعده عن هذا النسب؟

السلام عليكمحبيت اعرض مشكلة أخوي الصغير ياريت القى حلول لهاقبل سنوات أخوي الكبير تزوج وحده من قرايبنا وكان يحبها بجنون قبل الزواج بس الله ما قدر إنهم يكملوا مع بعض وتطلقوا سألت أخوي عن السبب بس رفض يقولي وطبعا صارت بيننا قطيعة لسنوات حتى عادة المياه إلى مجاريها وطليقة أخوي تزوجت الحين وعندها عيال ونفس الشي أخوي تزوج وعنده عيال وكل واحد لاهي بحياتهالمشكلة هي إن قبل أسبوع جاني أخوي الصغير يقولي ابغى اتزوج قلت هذي الساعة المباركة اخطب لك وإلا في بالك وحده قالي في بالي وحده وابغاه ومستحيل اتزوج غيرها قلت مين؟ قالي أخت طليقة أخوي أنا من الصدمة ما عرفت شو ارد عليه جلست ساكته واناظر فيه قالي شو فيك ليش سكتي قلت له أنت من جدك نحن ما صدقنا على الله رجعنا لبعض تبي تخرب العلاقة بيننا من جديد قالي ما راح تخرب العلاقة واوعدك إني اعيشها أميرة وقعد يترجاني أني ارسل لها اشاورها قلت له مستحيل ارسل لها شوف غيري قال مثل مين يعني غيرك طبعا أنا الأخت الوحيده وما عندي غير ذلا الأخوين المهم قالي اعطيني رقمها وأنا اكلمها واتفاهم معاها قلت له ما يصير وبعدين أنا عارفه ومتأكده مليون في المية أنك ما راح تاخذها لأني اعرف طبيعتهم ممكن البنت توافق لكن أمها وأخواتها الكبار مستحيل وطبعا الأم هي الآمر الناهي في البيت على الرغم من أن سالفة الطلاق مر عليها سنوات إلا إنهم للحين إذا زرتهم يدقوني أنا وأمي بالكلام وحتى هم من صارت السالفة وهم ولا يوم جو في بيت أمي ولا مره قابلوا زوجت أخوي ولا أولاده أمهم حالفه إن زوجت أخوي وأولاده وأخوي ما يدخلون بيتها بمعنى إنهم اصلا ما ناسين السالفة بس نحن نزورهم وأي مناسبة نكون معاهم وأنا متواصله معاهم بشكل مستمرعطوني حلول وشلون اتصرف من كلمني بالموضوع لليوم وهو يترجى فيني والله حتى ما صرت ارد على اتصلاته كل مره يسألني متى راح تكلميها اصلا مالي وجه اكلمها في الموضوع