لم يساندوني وإعترضوا على نصيبي من الإرث

كنت منذ طفولتي نعيش في بلد غير بلدنا ولما كبرت ودخلت المدرسه والدي كان كبر في العمر ذهب بينا الي بلدنا وانا في المرحله الثالثه ابتدائي توفي والدي كان لي اخين كبار متزوجين واربع اخوات بنات متزوجين اخواتي الرجاله بدل ما يعوضوني حنان الاب الي انا اتحرمت منه كان رد واحد منهم بلاش اروح المدرسه واشتغل واصرف علي نفسي وامي فعلا اشتغلت في جمع الدود من القطن الكلام ده في اجازة المدارس ولما تفتح المدارس اذهب الي المدرسه وامي عانت معي كتير كانت بتاخد 90 جنيه معاش السادات عانيت والله لما كانت الناس ترأف بي لضعف جسمي اشتغلت في المعمار وفي جميع المجالات الحلال خلصت مدرسه دخلت الجيش مرحله كانت اسود من الي فات امي كانت دائما تشجعني خلصت جيش كله ده ومفيش واحد من اخوتي الرجاله والله ساعدني وكانت حالتهم الماديه كويسه جدا لا افتكرو امهم ولا اخوهم الحمد لله سافرت ليبيا وعملت فلوس اشتريت قطعت ارض امي دائما تدعي عليهم والله وانا مش هاين علي اخواتي رغم ظلمهم لي انا اتعدل معاي الحال وهما حالتهم صفر الان بنيت بيت محترم وتزوحت ورزقت الحمد لله خمس اولاد وبنت كلنا انا وزوجتي واولادي تحت جزمت امي فعلا المشكله امي لسه لحد الان تدعي عليهم وهما طمعانين في عايزين ياخدو رزقي ورزق عيالي ولما يشوفو عيل من عيالي ميكلمهمش مع العلم المفروض انا اقول لعيالي ملكمش عمام ولاكن والله ما قلته دائما اوصيهم باحترام عمامهم واخواتي معاهم عيال بس للاسف الله يصلح حالهم اخواتي عايزين ياخدو امي من عندي طبعا رفضت وطلبت منهم ان يخلو البيت الكبير لان ده من حقي انا ورثي في ابوي وانا ذهبت ليهم بالحسنه علشان نقسم قطعت ارض ورث ابوي قسمنا الارض وضربنا قرعه كل ما ياجي نصيب واحد منهم علي الطريق يرفض ضربناها تاني جاي نصيبي انا علي الطريق وامي بعدي سبحان الله وافقو علي كده امي رفضت ليه انا اخد علي الطريق التراب الزرع مش بينفع استسمحت ام ي اني موافق وكتبنا ورق قسمه وشرط جزائي علي الي يرجع وبعد مدة دخل نصيبي الي علي الطريق كرديون مباني اتندمو وابتلاهم الله بالمرض المزمن الله يشفيهم وعايزين يعيدو القسمه تاني بس مش قادرين يتكلمو لان فيه شرط جزائ كبير اعمل ايه معاهم علشان يخليهم في حالهم اتشاكل معاهم واطلع كل الي جواي القديم والجديد ولا اعمل ايه افيدوني بارك الله فيكم .