ابنة زوجي الحقودة دفعتني للتفكير بالطلاق

مساء الورد ،انا متزوجة الي 4سنوات عمري 45 وزوجي عمره 47 ،تزوجنا عن حب ،زوجي عنده ولد عمره 22 سنه وبنت 20 سنه من زواج سابق ،زوجي طيب بس مشكلتي انه بنت زوجي حقوده جدآ ولئيمه مع اني بعاملهم كأنهم اولادي ،الولد علاقتي معاه كتيييير رائعة ،البنت رافضة وجودي بحياة ابوها ،مع انه ساكنين في بيت واحد ومعنا حماتي ( طبعآ حماتي هي الي مقويتها علي ) زوجي في البدايه ماكان يسمحلها انه تطاول علي ،لكنها في مره حاولت تحرق حالها ،وبعدها انقلبت كل الموازين سار زوجي يسايرها كتيييير على حسابي (كل هاده وهي اصلآ مابتسمع ولا بتحكي بس عندها خبث ومكر بغطي على العالم كله حتى اخوها مابتحبه )،وهلا ممنوع انا اطلع على الصالون مادام هيه موجوده فية ،بضلها حاجزه ابوها جنبها للفجر لما يدخل لعندي على الغرفة ،ولما بعتبه بسير يحكيلي شو اسوي انا مش راضي بهل الحكي بس والله بتعملي فضيحة .هلا انا اجاني بنوته من شهر ولما ولدتها حكيتله انا بدي بنتي تتربى مع اخواتها ،مابدي تكون بعيدة عنهم وسرت كل يوم اخلي زوجي يدخل بنتي لعندها واضل عندها بحدود 2ل 3 ساعات مع العلم انا ممنوع ادخل على غرفتها ،بعدين سارت لما اطلب بنتي تعصى عليها وتعمل شر ليش اطلبها .من اسبوع تزاعلنا انا وزوجي عشان هل الموضوع وطبعآ حماتي حطت براسه اني قطوعة ولئيمه وهو زعل مني كتيييير ،انا بصراحة خفت على بنتي مابدي اياها تفتح عيونها على حد غير امها ،وهي اصلآ اكتر من ساعتين شوبدها فيها .انا هلا عم بفكر بالطلاق ،رجاء اعطوني رإيكم