أمي تحاول أن تساوم رضاها بزواجي ممن اختارتها هي

السلام عليكم انا عندي مشكلة وماذيتني نفسيا جدا وأتمنى اطرحها بصفحتكم وأشوف آراء الناس يساعدوني لان اني ما عندي أصدقاء كثيرين ينصحونه عندي 3اصدقاء بس مقربين اني احجيلهم عن حياتي الشخصية وكل واحد يحكي شكل وتعبت جدا اخر شي قررت الجئ ألكم اني شاب عراقي عمري23 سنة عايش خارج العراق مع اهلي من قبل 14 سنة وكبرت وتربيت خارج العراق على اجواء وضع غير العراق وهسا قريب مدّا اكمل دراستي ودا اشتغل قررو اهلي يزوجوني علمود اني كبرت وبدولة أوربية علمود يعني ما اروح منا منا وتصير عندي مسؤلية اني اريد هذا الشي وفكرة صحيحة بس مشكلتي انه أفكر أحب بنية قبل ما ازوجها وملكيت الي تعجبني فا أمي مقبلت على كلامي وأصرت انه تخطبلي بنية وبعدين بمرور الأيام يصير حب بس اني ممقتنع المهم أمي تعرف بنية اصدقائنة اني بعمري ممفكر بيها ومتعجبني مو بس هيج اني أحب العراق لان هو بلدي وأحب أخذ بنية من العراق مو من الي عايشين هنا يمنة أصلا فاراحت حجت وَيَا ام البنية عليها اني فتهمت من افتهمت سويت مشكلة جبيرة وكتلهم ما اريد أزوج أصلا وهاي متعجبني ومستحيل اخذها اضطرت أمي تلغي الموضوع وزعلت مني ولحد الان متحجي وياي حاولت أراضيها متقبِّل تكول ارضى عليك با ان اشوفلك بنية ًواني معاند ما اريد الا اشوف وحدةً وأحبها وبعدين اتقدملها ومن كد ما ضغطو علية ضجت وكرهت كلشي وهسا امي متحجي وياي ومعاندة وياي كلش ًواني كتلها خليني شوية ارتاح بعد فد سنة سنتين واجب أكلج روحي خطبيلي يعني حاولت اخليها تنسى الموضوع شوية بس ماكو فايدة هسا شسويلها اني برأيكم خصوصا ًواني ضجت كلش ونفسيتي تعبت من المشاكل يومية وامي مقاطعتني فا ماذا افعل برأيكم