هل صلة الرحم ستدمرني بالدنيا؟

السلام عليكم انا طالبة جامعية وعمري 23 مشكلتي هي في بر الوالدين ومن زمان وكل يوم بصبر نفسي بس والله صار الموضوع كتير صعب وبطلت قادرة اتحمل ومن انا صغيرة كنت دايما اشوف والدي مسافر ولو مو مسافر كان يطلع من الصبح ويرجع على الغدا وبعدين يرجع يطلع عند اصحابه وطبعا والدي متدين واله سمعته بين الناس ووالدتي كمان مخمره ومظهريا بيتنا بحكوا عنه متدين صح احنا بنصلي وبنصوم والحمد لله وانا ما بنكر هاد الاشي لكن كااان كل شي واجب علينا وكأنه بس نار اجهنم النا وبس وشو ما نعمل ما بشوفوا منا اي شي وطبعا والدي ولا درس واحد من خواني وخواتي وكان معارض كل شي وطبعاا اخواني كانوا ضايعين في وقت كانوا يشربوا وطبعا والدي لو يعرف كان بس قتلهم ما عنده معالجه للامور ما كنت احسه بحبنا او بفهمنااا ودايما هو مع الناس ويسهل عليهم الحياة اما احنا كانه اعدائه هو وامي والله مره اختي زعلت من زوجها وكان هاينها كتير بابا بس شافها حجز وسافر وهي ضلت عنا 5 شهور زعلانه وهو ولا فرق معاه ومقابلها كانت بنت جيرانا بتحب واحد وابوهاا رافض وطبعا لسمعت والدي دخلوه في الموضوع وبابا وقف معها وهيها اتزوجته وعايشه ومبسوطه واختي لساتها مذلوله عند زوجها صح المنطق والدين انه احنا اولى... طيب سكتنا وما عملنا اي شي وكان بس يسافر ما يترك الا 30 دينار في الشهر تخيلوا الوضع الي احنا فيه ويجن خواتي المتزوجات عنااا ويقعدن بالايام واحنا بس معنا 30 والي كنت ازعل منه انه في الي خوان في الخليج وانا كنت فاهم والدي انه بده امي تعتمد على خواني بس امي للأسف ما كااان يهمهااااا بس اهم اشي راحة بالها واحنااااا لو نموت عادي وهيك ضلت حياتنا واتعودنا وقبل 6 سنين اتوفى والدي وضعنا يعني صعب كتير صح الحمد لله الله عوضنا في الفلوس ولكن ما اله طعم ابدااااا لانه انا بالنسبة الي بنيت حالي من الخارج وبس اما من جوااا حزينه والله انه المفروووض احنا احسن من هيك والمشكله الاصعب هي اااااامي عمرها ما حبتني ولا عمرها رح تحبني لو شو ما اعمل والله المواقف بتحرقلي قلبي متلا بتضلها تحاسبني على المي بطريقه مؤذيه والكهربا احنا في الشتويه بنستخدم الدفايات بس مجرد ما اطلع من خرفتي بلاقيها طفتها انا بدي احس فيها بس المشكله انه عنا كناين والكل بصرف والكل بستخدم الكهربا والمي يعني ما رح توقف الفتورة علي :-( ولو بدي اضل احس فيها من فتره لغيت مصروف الجامعه والله انه رمزي اصلا ما بجيب اشي وهي على طوول وافقت انا حزنت لانه هي بتعرف انه والدي الله يرحمه حرمني المصروف في المدرسة علشان اتركها بس انا اصريت وما كان في شي بفرق معي لحتى احقق نفسي وذاتي وامي الله يسامحها بطلت تخليلي مجال انه ابرهااا بتضلها تطلع على الاكل والشرب لدرجه انه بنجيب الاكل انا واختي الي مو متزوجه وعمرها 44 ونوكل بالسر والله موجوع قلبي لو اضل احكي لبكرا ما بحكي الا شوي من المواقف وانا من سنين بطنش وبحزن انه امي مش حنونه ولا بهمها حزني وانا كنت اسكت بس امي متل ابوي كان ما بتحب تتحمل المسؤولية ابدا متلا بس يجيني عريس بتضل تحكي عنه لحتى هي ترفضه وما تخليه يجي مع انه اهلوه بكونوا بدهم واختي الي مو متزوجه كمان مع امي متلا في عريس من اسبوع اهله طالبين يجوا بس هي اختي اقنعت امي انه مو مناسب مع انه العريس دارس طب بيطري وبشتغل في الخليج ولما حستهم انه كمان بدهن يضيعن عمري :'( :'( قررت اتخذ قرار انه لازم الاقي حل لكل هاالاشي معقووووول صلة الرحم وبر الوالدين يخلوني ادمر في الدنياااوالاخره والله العظيم كنت من الأوائل بس من كتر الضغط علي تركت كل شي وانا كماااان فارض نفسي ومع هيك يادوب قادر اعيش وله شو بدي احكي عن خواتي لانه انا كملت دراستي ومعتمده على نفسي وبصراحه الي بدي اوصللكم اياه هو انه انا لما اتضايق بسمع اغاني كتييير وهاد بزعجني كتييييير لاني بحب ربنا وكل ما اختلط مع اهلي بروح بتفشش في الاغاني وقلبي بصير يوجعني لاني بحب اكون فايزه مو بس في الدنيا والاخره كمان هلأ لو قللت قعدتي مع اهلي هل انا بغضب ربنااااا حلوهااااااااا الله يسعدكم