أصابع الإتهام دائماً تدور حولي ونظراتهم لي تزعجني

انا امرأة متزوجه من سنه ونص عمري 20 سنه تزوجت ولد خالتي ما عندني خالة غيرها وزوجي يحبني بجنون تزوجنا بعد ما كانت علاقتنا مررررة جميلة مع خالتي وعائلتنا متقاربة كأننا عائلة واحده ساكنه معها في نفس الشقة زوجي هو المسؤول عنهم لأن الاب متوفي فهو الولد الاكبر و رب الاسرة مشكلتي من اول ما تزوجت تم اتهامي بمشكلة من قبل حرمت اخوي اللي هي اخت زوجي اللي ساكنه معاي في نفس العمارة في الشقة اللي جنبنا و ما بيننا حاجز على فكرة هي كانت صديقتي المقربة خلصت من التهمه تم اتهامي بتهمه ثانيه وكل ما خلصت من تهمه تتم اتهامي بتهمه ثانية اكبر منها ما يمر يوم بسلام العائلة من مصيبه لمصيبه اعظم وانا اكثر شخص متهم اذا ما كنت الشخص الوحيد واللي يحير ان كأن في شخص يجبر الكل انهم يتهموني تم اتهامي بالكذب واني القي نجاسه في الاكل عمدا و السرقة والفتنة واني انقل اكاذيب لاهلي واني سقطت ولدي عمدا والى الان ما حملت بالرغم من العلاجات و اتهموني باني اتهمت خالتي بأنها السبب في الاسقاط واني امنع زوجي من الصرف للبيت واني ابغا اطرد بنات خالتي وانزعج من وجودهم علما ان كلهم متزوجات واني طردت عيالهم من بيتي وهذ كلو كذب طبعا وما في اي دليل واحيانا ما يصارحوني بس يشكون فيني ويرمون بالكلام وزوجي يحلم كثير بأني اخونه لدرجة انه يتعب بعد كل حلم وتعب وارتفع ضغطه وهو عنده سكر واملاح وفقر الدم واخر مرة انسحرت بنت خالتي الكبيرة اللي ساكنه في الشقة المقابله و ودوها عند شيخ ليرقي عليها لما تكلم الجن بلسانها قالوا بان السحر مرشوش ومأكول والسحر المرشوش هو ملح واللي رش السحر هو أنا في البداية ما صدقوا طبعا بس ولد خالتي اخو زوجي الصغير قال انه شافني وانا اروح في بيتهم ومعاي كيس فيه ملح وذا الادمي معروف بصدقه وتقواه وما يكذب بس انا ما رحت وما رشيت شيء حلفني زوجي قبل لا يقول لي انه انا المتهم عشان لا اعلم اهلي وما يصير مشكله لانه يحسبني اني كل ما صار شيء اعلم اهلي حلفت له وقال لي القصة وحلفت مره ثاني بالمصحف اني ما رشيت وصدقني بس الباقيين مو مصدقين يظنوا اني اتعامل مع السحره والله ان نفسيتي سيئة وكاره نفسي وما ادري كيف شافني وانا ما سويت شيء بعده تعب اخو زوجي الثاني وطلع مسحور ووحده من بنات خالتي الثانيه كمان مسحورة حسبي الله ونعم الوكيل اتمنى اموت واتخلص من دا الحياة مليت من كثر الاتهامات ومليت من كثر ما ابرر لنفسي اتمنى اموت وارتاح انا واثقة بالله ومؤمنه وصابرة بس لكل شيء حد .