أعلم أن الحياة تشارك لكن هو خطبني عن طمع!

انا بنت عندي 22 سنه من فتره اتقدم لي واحد كان مناسب او زي ما الظاهر بيقول عادة المهم سالنا عليه هوه متدين و محترم فوافقت و حسيت انه زيي و اتربي بالمبادئ و القوانين الي انت اتربيت عليها و حسيت كمان ان مر بصعوبات زي الي انا مريت بيها و قرأنا الفتحه هوه أكبر مني بسنتين يعني لسه مخلص كليه المهم احنا اتفقنا انه هيجيب لي شبكه رمزيه و انا مكنش الموضوع ده فارق معايا اهم حاجه الانسان الي هرتبط بيه المهم يوم ما كنت رايحه اجيب شبكتي كانت فرحتي مسروقه مني مكنتش زي بقيت البنات حتي ما اخترتش الي انا عاوزاه رغم انه تكلفته بسيطه و حمايا أصر علي حاجات معينه رغم اني كنت هجيب دبله و محبس بس لا هوه جابلي خاتمين و دبله و مش الي انا عايزاهم و متكلمتش و هما كانوا قايليين هيجيبوا من المحل ده و مش رايحين في حته تانيه عادتها قولت يمكن ظروفهم وحشه ان شاء الله جوزي الي هيجب لي من فلوسه و ده هيكون اجمل و احنا بنختار دبلته قال لا مش جايب من المحل ده الذوق مش عاجبني الصراحه انا اتضايقت لكن صمتت هعمل ايه عندي ثقه في ربنا انه مش هيخزلني و اتخطبنا و عملت خطوبه عالضيق عيلته و عيلتي و انا كمان الي جبت الفستان مش هوه و من غير ما احسسه مش مستقليه بيه لا خالص بس لان انا كمان عندي اخويه و عارفه هوه تعب اد ايه عشان يسعد خطيبته الي هيه مراته دلوقتي (عرسان جدد) و قولت انه هيعمل زي ما اخويه عمل و بدأها من الصفر لحد ما عمل نفسه (اخويه أكبر من خطيبي بسنه و شويه) و الاتنين خارجين هندسه الحمد لله .مرت الايام و مره و انا بكلمه صارحني انه كان بيشرب سجاير بس الدكتور اجبره انه يبطل عشان صحته و ان محدش عرف انه كان بيشرب غيره طبعا انا سمعت ده من هنا حسيت اني مدمره بتشرب سجاير دي حاجه مرفوضه في قاموسي تماما وغير كده أنا سألته قبل قراءة الفاتحه اذا كان بيدخن و قال لي لا لكن دلوقتي صرح لي انا احترمت صراحته دي و عدتها المره دي .دائما كنت بحس انه بيمثل او انه بيضبط نفسه زياده عن اللزوم عشان يبان كويس بس بصراحه كنت حاساه صايع بس الانسان لما يشوف الي قدامه محترم و بيرضي ربنا فده بيجبره انه يحترم نفسه و ده الي حصل.بعد شهر من الخطوبه جاله الجيش (الخدمه العسكرية) و راح و كان كل يومين او لما الفرصه تسمح له بيرن عليا يكلمني بعد فتره اسلوبه اتغير و ألفاظه و اتغير حاجات كتير كان كل قناع بيقع وراء الثاني لا وكل مره ينزل اجازه عايزني اقعد اطبخله مخصوص عشان ياكل من ايدي و لازم محدش يساعدني كنت بروح من الكليه (بسافرلها كل يوم 4 مواصلات رايح و زيهم جاي) اوصل البيت مهدوده اسهر طول الليل اطبخله في عز الثلج و متعبه جدا و الف له محشي و اعمله بشاميل و لحوم و سمبوسك و كفته و حلويات و بعد ما اخلص يكون الفجر إذن اقوم اصلي و بعدين اروق البيت و اظبت الدنيا واغيب من الكليه عشان اول ما يجي اسخن له الاكل رغم تعبي كنت بفكر ان ده احسن عشان بعد ما اتجوز اكون شايله المسئولية و حتي و احنا بتغدي مثلا اسلوبه غريب بيقرفني و مش بتكلم ولا بحسسه بحاجه و كل زياره كده .آخر مره و هوه هنا بتكلم معاه ازاي هنظم بيتنا و هوه تقريبا مش عايز يجيب نصف العزال و لا يدهن ولا يبلط ولا جبس ولا حاجه مش فاهمه ايه البخل ده رغم ان عيلته حالتهم ميسوره و جميله جدا يقدروا يجهزوه هوه واخوه مش هوه بس و كمان لاقيته بيرسم علي ان اخويه يجيب له عقد عمل او حد من أقاربي يعني .لحظه ايه ده ما طمع رسمي هوه ليه عايز ياخد ياخد الحياه مشاركه مش كده .انا عايزه افسخ الخطوبه بجد معتش مستحملة و تعبت نفسيا قولوا لي اعمل ايه لا و حتي لو الموضوع استمر عايز الخطوبه سنتين و انا بنت مينفعش اتأخر في الجواز و يا عالم ساعتها ممكن يقولي لا انتي كبيره و يسيبني و يبقي دمرني جنبه اعمل ايه انصحوني انا مقصرتش معاه و مش حاسه اني لو كملت هحس بالأمان و كمان مش عايزه اظلمه اعمل ايييييييييه؟