دخل بيتي وجعلني أحبه ثم اعتذر عن الزواج بي

أرملة من ١٣ سنة صبرت كل هذي السنين عشان اربي عيالي ولما كبروا حبيت اتفرغ لنفسي واتزوج ، تقدم لي رجل من هيئة الأمر بالمعروف والنهي عن المنكر وتمت الشوفة واعجب فيه مررة ، ووواقفت أنا وهو قال لأهلي أبيها يعني تمت الموافقة بين الطرفين ، وبعدها أخذ رقمي بدون علم أخوي عشان يبي يتفاهم معي على بعض الأشياء ، وتكلمنا وعلقني فيه وحبيته وسمعني مدح وكلام عمري ما سمعته طول حياتي وقالي إنتي ما فيه مثلك بالعالم مرأة عصامية ضحت بعمرها عشان هالأطفال وإنه راح يعوضني ووعدني إنه ما يتركني أبداً ، وحلف لي إنه يحبني وكان يقولي تكفين لا تخليني ووعدته إني أكون له مثل ما يحب ، استمر يراسلني ويكلمني فترة وسوينا التحاليل وكملت أغراضي وملابسي وكل شي يخصني حتى فستان فرحي علقته ، كلم أخوي وقاله ٣ أيام وأجي أملك ونتزوج وفي هالفترة سألني وقالي ١٠ الآف تكفيك مهر قلت له قليلة لأن عندي غرفة نوم ابي اسويها لأنه بيسكن في بيتي ، وقالي خير ان شاء الله ومن وقتها صار متغير عليه يتغلى وما يكلمني مثل أول وحسيت إنه زعل واعتذرت منه قلت له ما أبي ولا قرش أبيك إنت وأفديك بمالي ونفسي ، قالي طيب بس ارتب اموري واكلم أخوك ومن وقتها وأنا انتظر للآن لي فترة طويلة أكثر من ٤ شهور ، هو سحب عليه لكن اللي قاهرني سحب بدون احترام ولا اعتذر من أخوي ولا شي ظلمني وأنا اللي تعلقت فيه حسبي الله ونعم الوكيل ، بنات الناس عنده لعبة تسلى معي بالكلام وحلف إنه يحبني وإنه ما يخليني وتركني وكسر قلبي وكذب عليه ، اللي استغربه رجل في مثل مكانته ما خاف من الله ومن اللي سواه ..والله دمعتي ما كفت لهاليوم وأنا أبكي حرقني من داخلي وكسرني بعد ما تعلقت فيه ..يا ليته اعتذر بأي عذر وقال ما فيه نصيب بيننا يمكن كنت اعذره ، بس اللي محسسني بالظلم إنه دخل بيتي وشافني وخسّرني أشياء كثيرة جهزتها وراح بدون سبب ولا كأنه كسر مشاعر وأحاسيس مرأة ضعيفة ولعب بأعصابي وقلبي واكتشفنا بالأخير إنه لعاب ومزواج لا يمت للدين بصلة ، وخلاني أكره أهل الدين والتدين من أفعاله