زوجة أبي قلبت الأمور رأساً على عقب

السلام عليكم انا فتاه متزوجة وعمري 19 وحيدة اهلي ما عندي لا اخوان ولا خوات بابا بعد وفاة ماما بعشر شهور اتزوج انا ما زعلت لانوا امي كانت مريضة وبابا تعب معها كتير الله يجزي الخير انا بروح عند اهلي كل اربع شهور او ثلاث شهور مره وحده حسب ما بصحلي اروح لانوا عندي بوبين2الحمد لله وما بقدر اروح روحت عندهم ازورهم بعد 3اشهر انا والده جديد مرت عمي حكتلي بدي اطلع عليكم اسلم عليكي يعني على بيت اهلي انا حكيت استأذن من صاحبة البيت مرت ابوي حكيت لمرت عمي اني بس احكي لمرت ابوي حكتلها انها بدها تيجي راحت سكرت البواب وحكتلي انا ما رح استقبلها انا انحرجت بس حكيت هي حره وفصلت التلفون عشان ما انحرج مع مرت عمي وحكتلي انها ما بدها تستقبلها انا سكتت مرت عمي طبلت على الباب واحنا سامعين وما قبلت تفتحلها سكتت بعد شوي بنت عمي بنتها يعني طبلت على الشباك لانوا فكرت إنا ما سمعنا الباب لانوا باب الساحه الي بره حكتلي افتحوا لامي حكتلها انوا مرت ابوي اجاها ناس بس يروحوا بنادي عليكي عشان ما اكسر خاطرها وهي فعلا كان عندها صاحبتها بس مرت عمي بتعرفها من زمان يعني مو غريبة حكتلي بنت عمي نادي مرت عمي انا بحكيلها ناديتها وحكتلها انها ما بدها تستقبلها انا ما ادخلت لاني انا جاي ضيفه وهي ما قصرت في الجواب كان بامكانها تعتذر بطريقة حلوه مش هيك بس روح بابا من الشغل حكتلوا على الي صار انا كنت في المقبره بس روحت بسلم على بابا تركني وراح بعدين صار يصرخ علي ويبهدل فيني ويحكيلي انتي كيف ما دافعتي عنها وانا اعيط واشرحلوا واشهد فيها وهي ولا زي كانوا كانت في الموضوع وانا والله عمري ما غلطت بحدا ولا سبيت على حدا وهي عمرها 31 يعني بتعرف ادافع عن حالها بعدين صار يصرخ علي ويبهدل فيني ويحكيلي وبعدين حكى خليها تنقلع هاي بتيجي بتعمليلي مشاكل وانا والله ما عمري عملتلوا مشكله بعدين حكالي امشي انقلعي روحي وانا معي ولدين واحد عمروا شهر والثاني سنه ونصف حملتهم التنتين وروحت واستنيت ينادي علي بس ما نادي روحت واغمى علي في البيت ونزل ضغطي وجابولي الاسعاف تاني يوم اجى يراضيني انا ما قبلت احكي معوا لانوا جرحني بعدين اليوم الثالث حكولي ابوكي تعبان ونقلوا على المستشفى انا رحت عندهم وهو صار يعيط ويعتذر مني انا سامحتوا وارجعنا نحكي مع بعض عادي بس اكتشفت انوا هو ما تعب عشاني لانوا زعلني تعب لانوا بنت عمي سبت على مرتوا وهو الي حكالي بلسانوا وحكالي لما بدك تيجي عنا تعالي بس يوم الجمعه والسبت انا لما بدي اجي عند اهلي بدهم يحددولي يوم اجي في زي كاني غريبة انا مش عارفه اسامحوا وانا الي اربع اشهر ما اجيت عندهم لاني اتطردت وانا مش عامله اشي وعشان مرتوا الي عرفها ابل اكم شهر يعني انا مش قادر انسى لاني انحرجت بس انا خاايف اغضب ربنا لانوا ابوي وبر الوالدين بس انا عنجد موجوعه وكل ما اتزكر ببكي من البي ساعدوني شو اعمل