من ضرب وإهانة أمي لزوجي الخائن

السلام عليكم ورحمه الله وبركاته انا اعاني من عدم ثقه بنفسي م احب الناس كثير من صغري امي من النوع المتشدد عليا وتضرب ع كل شي صغير وكبير لدرجه اني احس انو هيا مو امي ودايما م تفضل الرجال عننا وبصراحه انا م احب اجلس معاها واتكلم ودايما اتهرب منها كنت ادرس وكانت حجتي بهروب انو مذاكره ومدرسه م وفي وقت اجلس اتكلم وحتى ف الاجازات احب اجلس لحااي خواتي وحريم اخواني يتجمعو عندنا وهيا ع طول قومي سوي لاختك وقومي افعلي لحرمت اخوكي لدرجه انو اخواني كانو يحطو عيالهم عندنا ومن غير اي اتصال وهما بيطلعو ينبسطو وانا اذا كنت طالعه مع خواني امي تكنسل خرجتي عشان خواني حطو عيالهم وم كانت تقولو لهم شي وي ليت انو بيقدرو خواني دا شي من تحت بيتصلو بيقولو جهزو العيال احنا تحت ونزليهم كنت اعصب واتنرفز بس امي كانت تعصب وتقولي انتي بكيفي وكيف عيالي عادي لو خلو عيالهم انتي لسا بنت اصلا مو لازك تخرجي لما تتزوجي سوي الي تبيه انتي لسا ع ذمتي وبعض احيان بتضربنا عشان رديت ع احد.من خواني ولا قلت له قوم سوي لحالك ... خلصت الدراسه وعطول انخطبت واتزوجت وفكرت انو زواج حيكون شي حلو وراحه ليا من اول ييوم زواج زوجي بيخونني وم اكتشفت الا وانا قدني حامل روحت وغضبت لعند امي ببدايه امي عصبت منو زوجي ولما جا شافتو بكل بساطه تقولي ي بنتي لا تخربي بيتك هياونزوه وتعدي وهو وعدنا ومن دا الكلام ورجعت وزوجي صار يتمدا ليا سنتين منزوجه والحين الثالث وانا اعاني من خيانه زوجي كل يوم اقول بكرا بيتغير خلفت بنت وقلت بيفكر ف بنتو جاو اهلو عندي زياره من اليمن م احترمهم كان م يقعد ف البيت ولما اجي اسالو اذا امو سمعت كانت تقولو دي ليه تسالك مالها حق انت رجال المهم ابوه مرا عرف وسمعمو وخاصمو قدامي بس هو كان مستقوي بامو وامي لانو حتى امي كانت توقف معاها بكل مرا وتقولي انتي الغلطانه لنا جا يوم وامي عرفت بشي م ادري اشو هو واتصلت عليه من غير م تقولي شي تقولو طلقي بنتي ورجعها ليا وتسبو وكدا وزوجي عضب وقتها وجا قوتها وكلم ابو وعمي بصراحه رجال ينحب ودايما يوقف معايا ويغلك ولدو بس لما سمع كلام امي له جا وهرجني لحالي قالي امي قالت وقالت وانتي ي بنتي اختارتي تبي تعيشي مع ولدي ولا تبي زي م امك تقول انا م كنت ادري اش السالفه يومين والقى اتصال من امي وتقولي تعالي اباكي عندي وروحت تقولي انا اباكي تتطلقي داوالرجال م يباكي وكذاب وخاين طيب وقتها كان ودي اقول لها وينك من اول وثاني وثالت ومرا وينك ايام م كنت اجيكي وانتي تعصبي عليا قدامو بس سكت وقلت طيب بس ابا افهم الحكايه ممكن قالت يخونك ومع بنت قلت مو شي جديد اعرف من اول قالت اذا مريض ومن داوالكلام وبعدها عمي ادخل وراح الين عند امي وقالها احنا نبا بنتك ودي المرا بوجهي وجلس يتكلمو امي طلعت قالت اان شاءالله كل شي خير وسكتت بعدها وم عد فتحت ليا سيرت الطلاق ثاني بس وسكت وكنت كل م اروح عندي امي ابات كم يوم تسمعني كلام زي السم وتضربني لدرجه تخلين اتصل ع زوجي واقولو تعالي هو يسال ليه اشبك وي قلت حتحلسي عند اهلك م كنت اقدر اتحمل كلام امي وصرت م اروح لامي الا يوم جمعت خواتي وسط اسبوع اذا زوجي رايحه يسلم عليها اروح معاها ونتغذا ونجلس واروح مع زوجي م اجلس وحملت بعدين طبعا المشاكل مع زوجي وامي خلتني بزياده م احب اشوف احد اروح بيتي م ابا احلس مع زوجي واتهرب منو ولو بيدي م اروح لامي بس خواتي يتصلو يلا احنا ننتظرك م نشوف غير يوم وكمان تندلعي وكنت اروح بس م اطول اروح بدري الين الحين اختي ولدت وقالت تعالي عندي امي باتي معايا اسبوع نتونس طبعا اذا زوجك رضي وكلمتو وانا قلت اختي هناك خلاص حنبسط وبنتي كان تغير جو بس امي م خلتني وكرهتني نفسي واتصل ع زوجي م يرد عليا يقولي خليكي وقتها عادي دي امك اشبها تقول لك كدا مدري بس تحسب انك ماتباني واننا زعلانين قال خليكي وم رضي يجيني وقتها عشان كان يغير ف البيت بس م قال شي بيا يسوي ليا مفاجا قلك امي سبتني وم خلتني وبصراحه انا كنت اعرف زوجي م يباني ومو طايقني بس عشان ابوه خلاني وانا عشان اهرب من بيت امي اروح له لانو هو م يجلس ف البيت صارت يشتغل دوامين وفجا اتصل يقولي بكرا حروح بك اتجهزي مع انو كان رافض نهائي اني يروح بيا بس لما روحت سالتو ع بالي بيقول انو اشتاق ليا ولا كلمه حلو روني كلام امي له تسبو وتقولو انت م تتقدر تصرف ع عيالك يعني مو فهوم الكلام انها مضايقه مننا مع هو معطني مصروف ومو خلي شي ناقصني حتى وانا عند امي من اغراض بيا ولا بنتو اشا م صار من مشاكل م يقصير ف حقي وحق بنتو صرت اطلع فيه وكانو يقولي انتي امك م تتحملك ولا تحبك وراميتتك عليا كيف تبيني انا اتعامل معاك سكت وقتها وم قلت شي .. الحين اشوف زوجي قدام عيوني يخونني جوالو كلو بنات م اقدر اتكلم لانو اروح لامي اتسب انضرب من اتفه الا سباب وزوجي م يبا يجلس حتى معايا وين اروح اتمنى الموت بعض احيان وم اكذب حاولت كدا مرا انتحر .. م اعرف وين اروح هو عارف نقطه ضعفي يرميني عند امي وم يرد عليا وصار يهددني بكدا مع انو كدا مرا اكلب كلاقي منو وم يرضى يقولي انا اباكي واحبك م عد صرت ارعرف اش اسوي ولا وين اروح اشتكي تعبت وصرت كاتمه بنفسي وكل يوم انام والله وانا اتخيل المواقف الي صارت وابكي .. حتى صرت اشوف زوجي م اقولو شي واتا اعرف عنو بس هو قالي يا تعيشي معايا ي تروحي لامك ودا شي يكسر ظهري امي م لقيت عنظها الحنان ودورت عند احد واتزوجت وطلع زوج اخس من امي صرت م اثق ف احد حتى بنفسي اقول يمكن العييب فيني .. لدرجه انو كل يوم افكر بهروب والبالغ عن امي وزوجي وخايفه..