زوجي لا يسأل بي ولا يرسل حتى مصروف أولاده

انا سيدة فى الخمسين من عمري مشكلتى اهل زوجى اب وام واربعة اخوة رجال هم مسيطرين علية بكل معنى الكلمة الاب والام خلوة يصرف على العيلة كلها حتى بالدين مش مشكلة وانا اتجوزتة من غير ماأعرف كل دة وكتير قولت له كفاية عليك مصاريف والدك ووالدتك واخواتك رجالة يصرفوا على نفسهم بس كانو مسيطرين علية اكتر من اللازم لغاية ما الديون وصلت لمبلغ كبير عليه واقترحت عليه انه يسافر للخارج منه انه يسدد الديون ومنه يعمل مستقبل ليه ولاولاده وفعلا سافر الى دولة اوروبية سدد كل المبالغ اللى عليه وبعدها بدء يعمل مستقبل لاخواته ونسىينى انا وولاده يادوب المصاريف وبس وبتيجى بعد عذاب ده غير المشاكل اللى بيعملوها ما بينا اللى كان مصبرنى على كدة ولادى مايتبهدلوش بس انا معدش عندى صبر وعايزة انفصل عنه لان المشاكل ذادت عن حدها منهم وولاد نفسهم قالو كفاية عليكى كده وسيبيه هو لوعايزنا كان فكر فينا وقعد معانا وعلى فكرة هو بقالو 15 سنة فى الخارج نزل اجازة فيهم 3مرات بس افيدونى