لا أريد أن أكمل حياتي معها ولكني خائف على صحة أمي

انا شاب 33 سنه اعمل بالسعوديه خاطب واحده اصغر منى ب12 سنه ودى المره التانيه لى ولما خطبتها كتبت كتابى على طول عشان ظروف السفر وبردوا عشان كنت حابب اجيب الشبكه كامله ولكن المشكله بعد كدا اخبرتنى انها كانت تحب ابن عمها وتقدم لخطبتها لكن الاهل رفضوا الموضوع من الطرفين ومعاملتها معى جافه الى الان من بدايه الخطوبه يعنى من 8 شهور ولكن مشكلتى ان والدتى ست مريضه بالقلب ولو حصل انى فركشت ممكن يحصلها حاجه ودا شبه اكيد بنسبه 100% والمشكله الاكبر انى حاولت مره وكلمتها من حساب فيس بوك تانى يخصنى على انى شخص غريب وتجاوبت معى وطبعا حاولت اكلمها عن خطيبها اللى هو انا يعنى وللاسف اخبرتنى ان وجوده بحياتها زى عدمه وبالفعل قررت اتركها واخبرت اهلها لكنها اقسمت انها اول مره تعمل كدا.بس انا مش مصدق واصريت لكن اخى اخبرنى ان امى تعبت جدا ولذلك قررت اكمل .انا دلوقت فى هم ثقيل وشايف المستقبل مظلم وغير مطمئن وحلمى انى اكون اسره سعيده زى كل الناس قد تلاشى وبصراحه تعبت وفكرى مشلول