أخوتي مقصرين في حقي ولا يقومون بزيارتي

مساء الخير انا مشكلتي مش كبيرة بس مدايقه منها ومش عارفه اتصرف وهو مش دائما بحياتي انا امراه متزوجه عمري 30 عندي بنتين وزوج طيب القلب والحمدالله عندي اهل كبار بس بصحتهم وحلوين وطيبينوبزوروني بس مش كتير يعني بالشديد القوي وانا بعذرهم علشان المسافه انا بزورهم كل اسبوع اذا ماعندي اشي المشكله انا مش عتبانه ع اهلي انا عتبانه ع اخواني الاثنين الشباب واحد متزوج عمره 35والثاني 22 مابزورونا الا للشديد القوي حتى بالاعياد مش دايما مع انه اخر عيد حكيت خلص مابدي اعيد عليه فبيتهحكالي زوجي خلص خلينا نروح ورحنا حماتي توفت من فترة اجوا اهلي واجا اخوي لكبير بس مرته ما اجت بالمرة طول فترة العزا بعد اسبوعين قرروا اهلي واخواتي واخواني يعملولنا النا ولبيت عمي غدا رفضنا اولها علشان نانغلبهم بس اصروا وخلص وافقنا توقعت اخوي لكبير يجي بس علشان ااكد عليه بعتله مسج لانه هو مشترك بالعزومه حكالي بردلك خبر اذا بدي اجي او لا وثاني يوم حكيت معه وحكيتله تعال انت وزوجتك حكالي مابعرف بردلك خبر سمع زوج اختي انه يمكن ما يجي فرن عليه وحكاله تعال يارجل مابصير بنستناك ورجعت انا حكيت وقلتله تعال ياخوي قلي كمان مرة بردلك خبر فحكيتله ردلي خبر علشان اذا بدك تيجي بجي اخوي الثاني يجي مواصلات لانه كان ناوي يعطيه سيارته لانه مافي غيرها فضل معلقني وحكيت مع اخوي الثاني حكالي اذا هو بده يجي انا باجي مواصلات بس من وراي كاين يحكي انا مابطلع مواصلاتيعني توهوني واللي كنت خايفه منه ب الثلاث ايام وبحكي معهم علشان مايحطوا هالحجه تاعت السيارةف رن اخوي علي يوم العزومه وحكالي انا بعتذر نابقدر اجي لانه مافي وسع بالسيارهقلتله طيب اللي 3 ايام عم بحكي معكم علشان حدا يطلع مواصلاتوانا طلبت تيجي وما اجيت وزعلت اهلي ببروا اله انه تعبان وانه انا مابعذر مع انه عذرته كتير ورحع رن ع زوحي وصار يعتذر انه مابقدر يجي لانه مافي وسع بالسياره زوجي عاتبه وقله ليش لصغير ما طلع مواصلات وانت اجيت وبينله انه زعلان يعني والمشكله انه اهلي مقتنعين انه ابوي بسد عن اخوي وزوجه اخوي ما اجت بالمرة هلا صارت تحكيلي انا بدي اجي الاحد عندك اعزيكي انا مابدي تعزيني ليش ما اجت وجبتني قدام الناس بس توفى حما اختها لمرة اخوي رحنا انا وزوجي وعزينا وعي ما بتيجي على مناسباتي مع انه علاقتنا احترام مع بعض وبعذرها وبروح ع كل مناسباتها ... وزوحي من النوع اللي بوجب وبزور الناس وبياخدني دايما معه انا بينتلهم اني زعلانه بس مابعرف ايش رح يصير