أريد منه أن يعاملني كزوجة غالية على قلبه

السلام عليكم ورحمة الله وبركاته ارجوكم ساعدونى ف حل مشكلتى إنا إنسانة متعلمة تعليم عالى متزوجة منذ ثلاث سنوات وأنا ف الكلية وعند طفلتين مشكلتى مع زوجى واهلى حصل مشاكل كتير بين أهلى وزوجى نتج عنها أن زوجى قطعنا عن أهلى بأى وسيلة ولا يأتوا لى ولا إذهب لهم ولا حتى تليفون ناس حاولو الصلح ما بينهم كتيييييير بس مفيش فايدة زوجى رافضهم ف حياتنا معتقد انهم ضرر لنا وانا تائهة بينهم وأنا اخترت زوجى من أجل طفلته الأولى وكنت حامل بالثانية وكنت خائفة أظلم اطفال لو تطلقت وكمان بحب زوجى اوى هو طيب وحنين بس مشكلته معايا على أى حاجة تافهة يفضل ينتقدن ف كل حاجة مفيش حاجة عاجباه والانسان دائما بيخطئ ويصيب وانا والله بحاول بكل جهد إنى أسعد واعمل كل حاجة ترضيه وبحاول أوفق بين تربيتى لأطفال وبينه بس هو مش بدين من وقته خالص إلا إذا كان عاوز منى حاجة انا نفسيتى تعبت جدا مش عارفة أتعامل معاه ازاى علشان ارضيه هو لو غلطت ف حاجة من غير قصد بينتقدنى جامد ويخلص منى ويسيبنى لوحدى وبما إنى ف غربة معاه ولوحظ ومعرفش حد هنا غيره ولا ليا حد أتكلم معاه غيره ف بروح اكلمه بهدوء عشان مش نفضل متخصصين وعاوزة نحل مشاكلنا بهدوء هو برفض كده وسيبقى اعيط قدامة واتاسفله عشان يفضل معايا انا وبنات مش يسيبنى لوحدى لكن للأسف مش بيلين خالص ويفضل يزعق عشان اأخرج واسيبه وأحيانا يمد أيده عليا ويقول ألفاظ بتجرحنى أوى ومش بيصفى غير فين وفين انا بزعل من نفسي وكرهت روحى بسبب إنى بروح اصالحه بس بضيق إنى أفضل لوحدى كده مع العلم مفيش حد أتكلم معاه خالص غيره وهو مش بيعبرنى مش عارفة بيعمل معايا ليه كده بحس إنو ذنب أهلى إللى قطعنى عنهم نهائى حاسة بالذنب ومرها دنيتي وبتمنى ربنا ياخدنى أفضل من معاملته دى معايا بس لما بنتصالح بيقول بحبك وأنا معنتش بصدقه ولا بثق فيه ولا بثق ف نفسي حتى وخايفة على بناتى لو تطلقت أو لو فضل يعاملنى كده قدامهم وحتى لو تطلقت هروح فين أهلى بسببه مبقوش عاوزنى أصلا انا تايهة ف الدنيا لوحدى مفيش غير ربنا بدعيله أرجوكم ريحونى أعمل إيه وأنا مليش حد غير ربنا وزوجى وبناتى أرجوكم ساعدونى مع العلم أهله طيبين وتعبو معاه أوى عشان يعاملنى كويس بس هو مفيش فايدة نفسي أعرف هو اللى زوجى بيعمل ده طبيعى ولا ربنا هياخدلى حقى ف يوم ويعرف قيمتى نفسي أوى أرجوكم ساعدونى أنا بحبه ومقدرش أبعد عنه وبرضو عاوزاه يعاملنى بالحسنى زى أى وحدة نفسها تحس إنها غالية عند زوجها واسفة ع الإطالة بس أنا موجوعة أوى ساعدونى بليز