زواجي يعني استقلالي في السكن ولا أستطيع الابتعاد عن أمي

السلام عليكم ورحمة الله وبركاته:بعد إذن اﻷدمن نزل المشكلة بدون اسم ولا صورة. أنا شاب عندي 25 سنة ،وأنا من الأرياف ،ربنا أكرمني واتعلمت تعليم عالي والحمد لله تخرجت بتقدير جيد جدا إلا 2% ،يمكن الوحيد في العيلة اللي كمل جامعة ،طبعا مفيش وظايف فاشتغلت في حاجات كتير عشان الايد البطالة نجسة ،اشتغلت باليومية وفي مزارع دواجن عشان مقعدش في البيت لحد ما ربنا أكرمني واشتغلت من فترة قليلة في شغلانة حلوة ،المشكلة في والدي هو من النوع اللي بيعاير الواحد بأي حاجة يعملها له بس بطريقة كبيرة حتى مع ولاده وزوجته لدرجة إنه كل شوية يقول لهم ده بيتي ومحدش بيعمل لي حاجة وكل واحد يوكل نفسه بنفسه وكل يوم مشاكل وهو ولا في دماغه ،هو طيب جدا بس لسانه وحش ،طبعا لو قعدت طول عمري أشتغل عشان أجيب شقة وأتجوز هعدي الخمسين وأنا لسه مكاني فلازم محتاج مساعدته ،وإحنا عندنا بيتنا وممكن أتجوز فيه ،خايف أتجوز في البيت الصبح يطلعني أنا وزوجتي في الشارع ولا يكون لينا مكان ،كمان أنا مقدرش أتخيل حياتي من غير أمي وده اللي مخليني صابر إني خايف عليها يجرى لها حاجة فلازم أعيش معاها لإنه ممكن يأذيها أو يطردها في أي وقت ،قولوا لي أعمل إيه بدون تجريح في الوالد مبقتش قادر أفكر ولا عارف أوصل لحل إلا إني بلاها جواز ،معلش ع اﻹطالة وجزاكم الله خيرا