أمي عقلها صغير وغير متفهمة

مشكلتي ببساطه في والدتي دماغها صغيره اوي انا هحكي عن موقف من مواقف كتير اوي انا متجوزه في محافظه غير اللي اهلي فيها متجوزه قريبي ومعايا ولد وبنت المهم في العيد اللي فات رحنا عندهم فا واحنا قاعدين بابا اتصل بواحد صحبه وقاله انه هيجي له وان جوزي هيوصله كده من غير حتي ما يسالنا الاول ولازم كلنا نروح معاه انا واختي وامي ولادي وجوزي المهم جوزي ما اعترضشي خالص فاماما بتسالني بيني وبينها جوزك رأيه ايه قولت هو مش معترض بس يا ماما المفروض بابا كان سالنا الاول قبل ما يحطنا ادام الامر الواقع راحت زعلت وقالتلي خلاص الرسالة وصلت جوزك مش بيحبنا ومش عايزنا نتدخل فيكوا اقولها هو ما قلشي حاجه ده رايي وخصوصا ان احنا رايحين عند ناس ما نعرفهاش وراحين فرح وازاي يا ماما هنركب كلنا في العربيه عددنا كبير طب خليني انا وهو يوديكوا برضوا أصرت ان احنا كلنا نروح وقبل ما نروح ابني تعب اوي و قعد يرجع كتير و خد حقنه وكل ده مش فارق معاهم خالص المهم رحنا كلنا علشان خاطرهم وابني يهدلني ترجيع هناك واتاخرنا جدا ورجعنا الفجر واصلا كنا هنروح اليوم ده فانا قولت بدل ما ننام ونقوم نمشي في الحر نمشي دلوقتي والله ما قالوا هتمشوا ليه ولا اعدوا يومين ولا حاجه خالص اصلا ابويا ما سلمشي اساسا عليا وهي جات معانا قال ايه عشان الواد تعبان المهم روحنا بالسلامة وكنت مش شايفه قدامي وجوزي كمان المهم انا ما كنتش روقت للعيد ولافرشت الشقه فطلبت من جوزي انه يساعدني نغسل الشبابيك وساعدني فهي بتقول يلا نأكل الأكل جاهز فهو قال مش دلوقتي يا طنط علشان كنا ملخومين زعلت ومش عايزه بقي تأكل حاجه خالص وانا مش عارفه في ايه طب مالك تقولي مفيش انا مخنوقه وعايزه امشي دلوقتي وجوزك ما بيحبنيش ومش عايزني اجي مع العلم والله انه بيبقي زوق جدا معاها ده غير الكلام اللي سمت بيه بدني ده مش بيجيب لبس ليكي والحاجات اللي عطلانه مش بيصلحها وكلام تاني كتير ولو رجع الزمن مش هجوزك وكلام يضايق اوي وانا عماله احايل فيها والاخر بقولها انتي مش عايزه تأكلي اكلنا مش عاجبك يا لهوي يا جدعان ووقفت في المطبخ وقالت ايوه انا طفسه انا عايزه لحمه وفراخ وانتي معند كيش وصوتها عالي وانا جيراني ناس مستوي عالي اوي وتاني يوم مشيت واقولها استني جوزي هيجي من الشغل ويوصللك قالتلي هو اصلا مش هيجي اللي لما انا أمشي طب ليه بتظن انه كده انا تعبت اتي اثبت العكس وهو مش بيعاملها وحش خالص مش عارفه ايه الحل لدرجة اني بجد كرهت مجيها عندي يا ريت لو في حل