ضحكي الكثير لا يرضي أهلي!

انا كثيرة بنت احب الضحك والابتسامة والوناسة ومااحب جو الكئآبه ، اذا في اي موضوع نناقشه بوجود العائلة ، انا لازم ابتسم لازم اضحك ، وحتى لو صديقة حزينه مااقدر اواسيها بكلام لايق ومااقدر اتحكم بنفسي واحزن معاها وابتسم لو كلمتها ! ، وبعض الاحيان الموضوع مايستاهل حد يضحك عليه وانا اضحك ، لحد امس كنت اتفرج على التلفزيون وضحكت والقاعدين كلهم سكووت ، امي قالت لي ليش على اي شي انتي تضحكي حتى لو كان موضوع مايستاهل الابتسامه او الضحك تضحكي ، ليش ماتكوني زي اخواتك البقيه ليش احسك غبية .والله اثر فيني كلامها كنت شوي وببكي لانه قالتها ساعتها بنبره عصبية وماقدرت ارد ، ومن ساعتها وانا متضايقه واحاسب على نفسي بس بنفس الوقت فيني ضيق . انا روحي وشكلي وكلامي طفولي واحب ابتسم مااحب النكد ، ومش عارفه كيف الان اتحكم بهذا الشي . الشي الوحيد اللي فهمته انه امي تبيني اكون رزينه وثقيلة ماابتسم الا في الوقت المناسب ... كيف اسوي كذا وكيف اقدر اغير من نفسي ؟