من بعد وفاة والدي وأنا في قمة الفشل بماذا تنصحوني؟

كنت بدي اوصل للجنة لكن للاسف وانا في قمة حزني وصلت لنار جهنم ، السلام عليكم انا طالبة جامعية مشكلتي انه قبل 10سنين كان بيتنا جحيم لا يطاق ابدا هم وحزن وكآبة وتعب من كل الظرووف وكان كل واحد عايش لحالة بأنانية وانا اصغرهم وطبعا ما كان يعجبني هاد الاشي وبحكم فرق العمر الي بيني وبينهم ما كنت قادر اغير افكارهم ولا معتقداتهم وبهادك الوقت كان عمري ١٢ سنة وكنت بشوف الحقد والكرة بزيد في بيتنا ومقابلها اشوف بيوت صاحباتي مو متل بيتنا مع انهم ما كانوا ملتزمين في الدين اما احنا بيتنا فيه صلاة وقرآن ووالدي ملتزم جدااا وطيب وحنوون كتتير وشخصيته الكل بحبها طبعااا في البيت والدي كان مقصر لانه احنا وضعنا المادي سيء ولكن مستورة ولله الحمد يعني عايشين متلنا متل كل الناس بس والدي ما معه يعطينا فلوس على الكماليات وطبعااا انا كنت صديقة بابا يعني ما كنت اشوف حداااا في الدنيااا متله ولا كنت بدي فلووووس ولا كنت بدي اي اشي يبعدني عن بابا ولكن للاسف المشاكل اثرت علي واتوترت العلاقة بيني وبين والدي وانا في عمر ١٤ سنة وحسيت وقتها انه انا خذلت بابا لانه هو كان بهتم فيني وبحبني وبقدملي كل شي وانا كنت مرافقيته في كل حياته وراضية بأبسط اشي منه ولكن من كثر الزن وانه بابا مش منيح وانه ما علم باقي خواتي وانه ما بوقف مع خواتي المتزوجات ومشاكل تانيه كنت اشوفها بعيون امي واخواني واخواتي وعتب على ابوي وهيك حسيت انه ابوي ظااالم مع انه انا هلا في عمر ٢٢ بحكي رح اتصرف مع المشاكل مثل ما كان بابا يتصرف فيهااا تماااما وانا هلا وعيت وبابا طلع على حق وكان عقلاني وحكيم جداااا ولكن انا وقتها كنت بعمر صغير وما كنت واعيه تماما فنعزلت في غرفتي وبلشت اجتهد وانجح في دراستي وتركت اهلي تماااااما اجي على غرفتهم بس ١٠ دقايق ووووبس والله ما كنت اعرف عن المشاكل والطاقة السلبية تحديدا عند امي واختي الي مو متزوجه ودايما هن في غيبة ونميمه واحزان وكآبة يعني والله انه الواحد بتعب نفسيا من كتر الهم والغم واستمريت على هالحالة ٤ سنين وانا حتى ابوي ما بعرف عنه اشي الا السلام لانه هو قرر يبني مسجد ويروح يسكن فيه وفعلاااااا طلع من البيت وللاسف امي تركته يروووح واحنا وقتها عادي بس انا كنت موجوعه وكنت بستحي احكي انه ابوي مش معنا في البيت وكنت ابكي على هاد الوضع وبعد اربع ٤ انا معتزله في غرفتي ومهتمه في نجاحي وفعلا وصلت لقمة النجاح والشخصية المتفائلة والاتزان وبابا في هاد الوقت كان ببني في المسجد وساكن فيه ومهتم في اخرته وهو كمان كان يجي علينا ساعه بالكثير كل كم يوم يجيب احتياجات البيت وبس وكان مهتم في اخرته وبعد هالسنين ٤ والدي اتوووفى فجأة اناااا هووون بس سمعت الخبر انهرررت اتعبت احزنت الدنيا كلها وقفت عندي وفعلا من حزني على بابا اجلت دراستي وقررت اعوض امي وحكيت هاي صلة الرحم الي اكييييد رح تفوتني الجنة وطبعا امي واخواني وخوااتي ولكن للاسف فكرتهم رح يتغيروا فكرت الموت اكبر عبرة للانسان بس للاسف القلوب المريضه رح تضل مريضه وفعلا اهتميت بأمي اقعد معها طوول اليوم واسمعلها لعله وعسى افوت الجنه لكن من كتر الهموم والطاقة السلبية انا ادمرت اوصلت للافلام الايباحية وصلت للعادة السرية وصلت للاغاني والمسلسات وصلت للشباب وصلت للفشل هه لا والله في قاع الفشل معدلي حاليا في الجامعة لا يتعدى المقبوول